| <204ar> | |
| Confessio· Ik giuhu goda alomahtigon fadar· Endi | |
| allon sinon helagon vuihethon· Endi thi godes manne· | |
| allero minero sundiono· thero the ik githahta· endi | |
| gisprak· endi gideda· fan thiu the ik erist sundia | |
| uuerkian bigonsta· Ok iuhu <in HS: h aus g korrigiert> ik so huat so ik thes gi | |
| deda thes vuithar mineru cristinhedi uuari· endi | |
| vuithar minamo gilouon uuari· endi vuithar | |
| minemo bigithon uuari· endi uuithar minemo mestra | |
| <204av> uuari· endi vuithar minemo herdoma uuari· endi | |
| uuithar minemo rehta uuari· Ik iuhu nithas· endi auun | |
| stes· hetias· endi bisprakias· Sueriannias· endi liagannias· | |
| firin lustono· endi minero gitidio far latanero· O uar | |
| modias· endi tragi godes ambahtas· hor uuilliono· man | |
| slahtono· O uar atas endi ouer drankas· endi ok untidion | |
| mos fehoda endi drank· Ok iuhu ik that ik gi uuihid mos | |
| Endi <in HS: i aus r korrigiert> drank nithar got· endi minas herdomas raka so ne | |
| gi held so ik scolda· endi mer terida than ik scoldi· Ik | |
| iugiuhu that ik minan fader endi moder so ne eroda | |
| endi so ne minnioda so ik scolda· Endi ok mina brothar | |
| endi mina suestar endi mina othra nahiston endi mina | |
| friund· so ne eroda endi so ne minnioda so ik scolda· | |
| Thes giuhu ik hluttarliko· that ik arma man endi othra | |
| elilendia so ne eroda· endi so ne minnioda so ik scolda· | |
| Thes iuhu ik that ik mina iungeron endi mina fillulos | |
| so ne lerda so ik scolda· Thena helagon sunnundag | |
| endi thia helagun missa· ne firioda endi ne eroda so ik | |
| scolda· Vsas drohtinas likhamon endi is blod mid | |
| sulikaru forhtu endi mid sulikaru minniu ne ant | |
| feng so ik scolda <in HS: a aus i korrigiert>· Siakoro ne uuisoda endi um ira nod | |
| thurti ne gaf so ik scolda· Sera endi unfraha ne trosta | |
| so ik scolda· Minan degmon so rehto ne gaf so ik | |
| scolda· Gasti so ne ant feng so ik scolda· Ok iuhu | |
| ik that ik thia gi uuar the ik giuuerran ne scolda· | |
| Endi thia ne gi sonda the ik gisonan scolda· Ik iuhu | |
| <205ar> unrehtaro gi sihtio· unrehtaro gi horithano· Endi unrehtaro | |
| githankono· un rehtoro uuordo· unrehtaro uuerko· unrehtaro | |
| sethlo· unrehtaro stadlo· unrehtaro gango· unrehtoro legaro· | |
| unrehtas cussiannias· Vnrehtas helsiannias· Unrehtas anafangas· | |
| Ik gi horda hethinnussia endi <in HS: e korrigiert aus ?> un hrenia sespilon· Ik gi lofda | |
| thes ik gi louian ne scolda· Ik stal· ik far stolan fehoda· ana <in HS: zweites a übergesezt ergänzt> or | |
| lof gaf· ana orlof ant feng· Men eth suor an vuiethon· Abol | |
| gan hed endi gi stridi an mi hadda· endi mistumft· endi auunst· | |
| Ik sundioda an luggiomo gi vuit scipia· endi an flokanna· Mina | |
| gitidi endi min gibed so ne giheld endi so ne gifulda so ik scolda· | |
| Vn rehto las· unrehto sang· ungi horsam uuas· Mer sprak endi | |
| mer suigoda than ik scoldi· endi mik <in HS: k aus h korrigiert> seluon mid uuilon uuor | |
| don endi mid uuilon uuerkon endi mid uuilon githankon | |
| mid vuilon luston mer un suuroda than ik scoldi· Ik iuhu | |
| that ik an kirikun unrehtas thahta· endi othra merda theru | |
| helagun lecciun· Biscopos endi prestros ne eroda endi ne | |
| minnioda so ik scolda· Ik iuhu thes allas the ik nu binemnid | |
| hebbiu endi binemnian ne mag· so ik uuitandi dadi | |
| so un vuitandi· so mid gi louon so mid ungi louon· so huat | |
| so ik thes gi deda thes uuithar godas uuillion uuari· so vua | |
| kondi so slapandi· so an dag so an nahta so an huilikaru tidi | |
| so it uuari· so gangu ik is allas anthes alomahtigon godas | |
| mundburd· endi an sina ginatha· endi nu don ik is allas | |
| hluttar likio minan bigihton· goda alomahtigon fadar· | |
| endi allon sinan helagon· endi thi godas manna· Gerno | |
| an godas uuillion te gi botianna· endi thi biddiu gi bedas· | |
| that thu mi te goda githingi vuesan vuillias· that ik min | |
| lif endi minan gi louon an godas huldion gi endion moti· |