| Titel/Regest |
Wy Herman van Desele, borgermester, Cord Engelen, Henrek de Meiger, Cord Kaghen, Cord Ghiseler, Mertin Sthor, Cord Hackeman, Johan van Aden, Johan Everken, Herman Rickersen, Bertram Richters und Reymfurd Listinges nu tor tiid raidlude der Aldenstad Wartberg [Warburg] bekennet vor uns unde alle unse nakommen in dussem breve oppenbare to betugende, dat wy mid willen unde wettenschap unses alden raides unde gemeynheid, der wy dar to behoveden, gefrigget hebbet unde vrigget in unde mid dussem breve Bernde Ffonnen syne levedage mid uns towonende. Unde he schal schottes [Vermögenssteuer], perdegeldes, bolwerkes [Befestigungsarbeiten], unde vort alle unser stad abval [Einkünfte], plicht [Dienstleistung] unde noid [Zwang] vriig unde gensliken entheven syn, utgesecht wachte, de he don schal alse syn nagebur [Nachbar] boven eme unde benedden. Unde wan eyn gerochte [Alarm] edder clockenslech worden, dar schal he mid sinem harnassche unde were alse eyn truwe borger sine borgere to beschuddende. Ok schal he twee bruwen mid unser pannen, unde schal dar de tzise van geven, alse sin nagebur boven eme unde benedden. Unde he schal sek vort gebruken alle unser stad vriigheid unde genade alse sek andere unse borgere sek der gebruket. Bede wy ok wat effte vorbedet in unseme slote umme des besten willen, dat schal he mid uns holden na moggelicheid [Vermögen], alse wy unde anders unse borgere dat holdet. Unde wy borgermester unde raid der Aldenstad Wartberg vorg. redet alle dusse vorg. dink stede unde vast unde unvorbroken to holdende sunder geverde unde hebbet unser gemeynen stad grote sigil to vorder kuntschap vestliken an dussen breff gehangen [durchstr.: welkes ingesegels wy ere nakomen nu tor tiid hiir anne bekennet]. Datum anno domini millesimo quadringentesimo vicesimo secundo fferia quarta proxima post dominicam Palmarum etc.
Siegelankündigung: Stadt Warburg. |
Suche DWUD 
früher
|
später
Verein für Geschichte und Altertumskunde Westfalens, Abteilung Paderborn e. V. 
Stöwer, Ulrike (Bearb.) | Das Archiv des Vereins für Geschichte und Altertumskunde Westfalens, Abteilung Paderborn e.V. | Nr. 356, S. 189f. 
zurück
