| Titel/Regest |
Vergleich zwischen den Brüdern Otto und Klaus, Grafen von Tecklenburg, und den Klöstern Marienfeld, Clarholz und Herzebrock wegen der Vogtei:
[...] gebornen Herrn Erverwyn, Greven van Benthem und Stenforde, Godert Ketteler Ritter, unsen marschalck, Johan Haken ton Wulvesberge und unsen kockenmester Jaspar van Schedelick alsoe bededynget synt, de ock den obghedachten parthyen alsoe belevet, zoe heben wy des als eyn dedyngesman toe merre bevestynge und tuychnysse der warheit unsse segell hyr an doen hangen, unde want dyt wo vorg. dorch uns Otten unde Clawes gebroderen Greven toe Teckeneborch vurs. alsoe bevulwordet unde beleynet is, dar unser wegenn ock voer dedyngeslude mede an unde over weren de werdige edele und walgeboren Her Johan van Brunchorst van Batenborch, domprovest der kercken toe Munster, de edele unde wallgeboren unse leve vader und ohem Juncker Johan [I.] Greve tomm Retberge, de erberen Her Wennemar van den Horst, scholaster der kercken toe Munster vurs., Mester Johan Schroders, doctor, und Johan van Schorlemer, zo heben wy des tot oirkunde unse segele hyr mede an gehangen, unde zo wy abt, provest und abdysse der vorg. Closter Marienfelde, Claholt unde Herszebroick sulcks, wo baven gerort is, ock myt unsen conventen belevet hebben, dar up unser zyden voer dedingeslude ock mede an unde over weren de erberen Her Berndt van Lynthell, canonick der kercken to Munster vorg., Philippus van Horde, Jaspar van Oer und Everdt Bisscopinck, zoe heben wy des ock toe oirkunde itlick unser convente segele hyr mede an dessen breff gehangen, der sesse gelykes innholdes versegelt synt, unde wy Conrait bisscop und administrator vurs. twe uver beyde unse stichte Munster und Osenbrugge hebben beholden, den obgemelten greven eynen, ock den vorg. closteren itlicken enen heben doen, overgeven gededynget und gegeven in den jare [...]. |
Suche DWUD 
früher
|
später
Verein für Geschichte und Altertumskunde Westfalens, Abteilung Paderborn e. V. 
Stöwer, Ulrike (Bearb.) | Das Archiv des Vereins für Geschichte und Altertumskunde Westfalens, Abteilung Paderborn e.V. | Nr. 867, S. 409f. 
zurück
