| Titel/Regest |
Der Knappe Raven van Elmerinchusen und seine Frau Woldrat versetzen dem Albracht dem Schelen und dessen Frau Gisle das Haus und den Hof zu Bendesloy (Marienloh) in seinen Zäunen, das Albracht selbst gebaut und bewohnt hat, mit neun Gart Landes vor dem Hof, anstoßend an Vettebrodes Haus, mitsamt allen Einkünften ohne Pacht, Zehnten und Zins, weiter eine Hufe Landes von 30 Morgen: ein Stück in deme Kokesrode in dem Winkel und drei Morgen neben dem Brochove, die an den Weg nach Lippspringe stoßen, drei Morgen im Brusenhove und ein Stück Landes genannt de Snighel Winkel und fünf Morgen jenseits der Lippe vor deme Steyghe oben auf dem Hoynkampe, ein Stück von sechs Morgen, das an die Langwit stößt. Falls etwas an den 30 Morgen fehlen sollte, soll er das vom Land des Ausstellers auf dem Hoynkamp erhalten. Das Land soll Albracht erhalten ohne Zins oder Pacht um den bloßen Zehnten auf acht Jahre ab kommenden Ostern für 10 1/2 Mark zu Paderborn gängiger Pfennige. Nach acht Jahren können beide Seiten kündigen. Nach der Ablösung soll Albracht noch ein Jahr das Dungrecht behalten und für den Bau des Hauses nach Rat von zwei Freunden von jeder Seite entschädigt werden. Raven verspricht Währschaft. Mit ihm siegeln seine Brüder Ludolfund Goscalc van Elmerinchusen, Knappen. |
| Text |
Ich Raven van Elmerinchusen, knape, Woldrat, myn elike husvrowe, unde unse rechten erven bekennen openberliken in dessem breve, dat wi webben vorsat und vorsetten Albrachte deme Schelen, Gislen, sir echten vrowen, unde eren rechten erven und deme, de dessen bref hevet, dat hus und den hof to deme Bendesloy, alzo dat bewrocht is, dat Albracht selves ghebuwet hadde und och ir inne woned hadde und dat nighengherde landes, dat vor dem hove licht, dat an Vettebrodes hus wendet, vrygh und ledich und wad he dar uppe hevet ane allerhande pacht, teynden und tins, vortmer eyne hove landes van dertich morghen, des eyn stucke is gheleghen und ut ghewist nidene in deme Kokesrode in deme winkele und dri morghen, de gheleghen syn beneven deme Brochove, de schitet uppe den wech to Lippespringe, und dri morghen, de lighet in dem Brusenhove, und eyn stucke landes, dat het de Snighel winkel, und vif morghen, de lighet over der Lippe vor deme Steyghe ovene uppe dem Hoynkanpe (!), eyn stucke van seis morghen, dat schidet uppe de Langwit. Und vort mey were wes brake an dertich morghen, dat schold ich eyme ervullen van myneme lande uppe dem Hoynkampe, dat an dat selve stucke schute eder wende. Desse dertich morghen landes schal he hebben und holden desses breves ynd roweliken besitten ane tins eder hure umme den bloten tegheden achte jar, anstande to dessen Paschedaghe neyst to komende vor elftehalve marc penninge, alzo to Paderborne ghinge unde gheve syn, de he und syne erven my an reden penninghen na willen betalet hebben, mit dessem underschide, dat Albracht und syne rechten erven und holdere desses breves na dessen achte jaren, ef ze es to rade werdet, Ravene vorghescreven und synen rechten erven moghen desse vorghenompten summen gheldes wider to eschen, des ze eyme dat eyn half jar vore zeghen eder to witende doyn. Na der upseghinghe zo rede ich Raven vorghescreven Albrachte und sinen rechten erven und holdere desses breves elftehalve marc wider to ghivende zunder ghirleyghe hinder unde vortoch und zunder wedersprake ane allerhande behelpinghe gheistlikes eder wertlikes rechtes. Na der betalinghe rede ich Raven Albrachte unde synen erven und holderen desses breves des landes to warende sinen mistal und arveyt na ghemeynen lantrechte umme hure unde thegeden sine jar ut und vort me den buwe des huses na zeghen de twier miner vrunt und twier siner to eyntleyghende. Och so hebbe ich Raven irghenompt und mine erven de selven ghenade, dat wi na achte jaren unse ghut moghen wider lozen, des wi dat Albrachte und synen erven und holdere desses breves vor kundich don eyn half jar in der selven wise, alzo desse vorghescreven neyste artikel heldet, und anders nicht. Vortmer so rede ich Raven irghenompt vor mich und vor mine husvrowen und al mine rechten erven Albrachte und synen rechten erven und holderen desses brevesa desses huses, hoves und landes na heltnisse desses breves vullenkomen warscap to donde, wo dicke und wan es des noyt is van erfliker ansprake weghene. To merer zikericheit und vestenunge zo hebbe ich Raven van Elmerinchusen vor mich und Woldrade, mine eliken husvrowen, myn ingheseghel ghehangen an dessen bref unde rede al desse vorghenompten stucke und articula an ghuden truen steyde und vast to holdende ane arghelist. Und vortmer zo bekenne wi brodere Ludolf und Goscalc knapen van Elmerinchusen, dat wi umme bede willen Ravens, unses broders, und Woldrade, siner eliken husvrowen, hebbet unse ingheseghele ghehanghen an dessen bref to kunscap. Datum anno Domini M° C°C°C° sexagesimonono feria secunda post Judica me Deus. |
Suche DWUD 
früher
|
später
Abbenburg 
zurück
