Regest

• Datum: [o. D. / um 1450]

Titel/Regest

In den tiiden, des veerundetwintich jar(e) vorgangen synt, do ranten de Waldeygeschen [Waldeck] myt der Waldeygeschen banner vor Wartberg [Warburg] unde namen dar verde halff hundert schap(e) myn eder me(e)r. De schap(e) warn(e) to der tiid wol twe hundert gulden wert unde den schaden, den men jeder dar von gelede[n] hevet. Unde dat schae sunder vede unde vorwarnuge, den schaden geachtet des jares up 20 mark.

Item de silves 2 kog[en] [2 durchstr.?]. Item so fel juncher Walraven tho Lutting[en] Nedere [Lütgeneder] in unde nam unsem borgermeyger [!] byt [!] namen Bertold Meyger van Geysmar, by namen Hartman Meyges 5 perde, Hencken Loffmans 2 perde und plunderigen geachtet al up 50 gulden.

Item vortmer unser borgermeyger myt namen Johan van [...]nd, Albert van Pad[er?], Herman Hiddesen, Cord Gyseler unde medewoner herm [!] Wernher Podden, hern Johan Bonen, Frederich de Richtere unde Vorwindelen Henrich Richtere eren schaden geachtet so go(e)d also twehundert gulden.

Item so also de edelen junchern van Woldeghe anspreket umme den groten Lodewig[es], dat de scholle ere angebornen man syn, so was de gnte. Lodewich vor eynen scheper wonhafftich in demme stichte van Pad[erborn] tho demme Clenenberge [Kleinenberge] unde tho demme Calenberge [Kalenberg] unde was lest hussittede tho Volkmersen [Volkmarsen] myt wyf und kinderen, de he sitten leyt, unde lep vo eynen oppenbaren scroder dorch de la(e)nd unde rovede unde scrodede de Woldegeschen van der Hindenborch [Hinnenburg] unde de Heyssen van demme Desenberge [Desenberg] unde sus wen he betrat, de were uet wot lande he were. Unde besunderen hadde he eynen kopman van demme Frankenberge [Frankenberg] gevangen up des rikes strate, unde vor de schattinge hadde gelovet eyn borger van demme Berge [Marsberg] genant Peter Pil, unde selve Peter qwam vor den rad tho Wartberge unde segede, he hedde dar eynen daler wanden und scholde den aldar bethalen Lodewigen vorscreven vor den kopman vorscreven, de de vorscrevene schattinge aldar up de borch tho Wartberge [tw. durchstr.] borde unde up de borgh brachte unde ouk in der kermysse den kremeren nam ere spisserie unde drowede en unde wolde se vordinghen.

• Erläuterung: Anmerkung von Stolte (S. 291): s. Acta 170, Warburger Repert. S. 127.
• Archiv: Verein für Geschichte und Altertumskunde Westfalens, Abteilung Paderborn e. V.
• Bestand: Urkunden
• Benutzungsort: Erzbischöfliche Akademische Bibliothek Paderborn
• Quelle: Stöwer, Ulrike (Bearb.) | Das Archiv des Vereins für Geschichte und Altertumskunde Westfalens, Abteilung Paderborn e.V. | Nr. 524, S. 261f.

Formalbeschreibung

Ausf., Papier (besch.), Nd. - - Rückseite: Item so scholle wy horen umme den Scheyversteyn [15. Jh.]/ [Sign. um 1800] Nro. 170/ ohne Datum/ Hiddessen/ 1424; Vorderseite: 2/ [Randvermerke] #1474, Strauchdieb - Anm.: Urkundensammlung Kaplan Brügge

Regest: Stolte S. 291

• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 2.20 1450-1499
• Datum Aufnahme: 2004-08-05
• Datum Änderung: 2010-08-06