Regest

• Datum: 1547-10-28
• Titel/Regest: Daem von Galen und die Akenschock'schen Vormünder tauschen ihre Eigenhörigen Anna Eycholt / Eikholt und Styne, Tochter des Schulten zu Ahlen / Allen.

Text

Ich Daem van Galen doe kundt [...] vur my, myne huysfrauwe1 unnd all myne rechte ervenn, dat ich den erentfesten und erbaren Matthias van Alde(n)boickem, droste[n]2 tho Ravensburg, und Joist Bigginckhoff, vurmunder der nagelaten kinder selig(en) Christoffer Akenschocken und Elizabeth, syner elichen huysfrauwen1, der got beyde genade, tho behoiff der vurg(enanten) kinder upgelaitenn und verwesselt hebbe Anne(n) Eyckholdes, Herma(n) und Elsen Eyckholts, elude (ock beyde in got verstorven), echte dochter, de my wente up gyff[t]e3 deses breyffs vulschuldich lyffeygen thobehorich gewest ys, also dat gemelte vurmu(n)der tho behoiff d(er) vurg(enanten) kinder de gedachte Anna nuw vortmer nae dato dusses breyffs vur eyne vulschuldige eygen persone holden sullen und moigen und dar mede sunder yemans ovelmoidt tdoen und to laiten, als m(n) myt vulschuldige(n) eygen luyden nae eygendombs rechte to doene plecht. Und ich Daem vurg(enant) und myne erve(n) sullen und wyllen oene sulcher uplatinge unnd wessell nuw un(de) to all[en ti]den2 waren und rechte warschap doen, wy sich dat eyget und gebuyrt vur alle den gene(n) [de ...]2 to rechte kome(n) wylle(n). Des ich oick vur genant(e) Anna hebbe va(n) gerort(en) vurmu(n)de[ren]2 vur eyne rechte wed(er) wessel entfange(n) Styne(n), des schulten dochter van4 Allen, nae uthwisunge eynes besegelde(n) breves, my und myne(n) erve(n) dar up gegeve(n).

In orkunde und getuchnisse d(er) wairheyt so heb ich, Daem va(n) Galen vurg(enant), vur my unnd alle myne erve(n) myne(n) segell unden an dussen breyff gehangen, dat mede wytlich und kundich is Johan va(n) Segeberg und Johan Nederma(n).

Datum anno domini dusent vyffhunder[t]3 seven und veirtich am dage Simonis et Jude.

Siegel: ab

Rückschrift (16./17. Jh.): wechselunges brieff wegen 5Pepersakes5 frawen

1 Zweiter Schaft des zweiten -u- fehlt. - 2 Loch im Pergament. - 3 -t- ergänzt. - 4 Nach gestrichen tho. - 5-5 Ältere Hand

• Archiv: Welver, Kloster
• Bestand: Urkunden
• Signatur: 569 a
• Benutzungsort: Landesarchiv NRW Abteilung Westfalen
• Bestellsignatur: Kloster Welver - Urkunden, Nr. 569 a
• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 3.1 1500-1549
• Datum Aufnahme: 2010-07-16