Regest |
||||||||
---|---|---|---|---|---|---|---|---|
Datum |
1436-01-25 ![]() ![]() |
Datum Bestand: ![]() ![]() |
||||||
(die conversionis beati Pauli apostoli) | ||||||||
Titel/Regest | Statuten der Schuhmachergilde in beiden Städten Warburg: Wy Albert von Roden, borgermester, Henrich von deme Clenenberge, Cord Ringelsen, Henrich Brendeken, Cord Ovenut, Johan Bulshorn, Ordewin Hase, Eghard Bode, Johan Helmeren, Herman Penckingh, Henrich Ossendorpes de Junge unde Herman Ordeken de Junghe, ratlude der Nyginstad, Olrich Russzen, borgermester, Bernd Wyneken (Wyncken), Johan Tucktappe, Sander Kannengeter, Henrich Schepers, Mertin Sthor, Johan Lovelma(e)n, Hans von Weten, Hans Ykenhusen, Hans Heynnen, Evert Ffabers unde Hans Bodekers, ratlude der Ouldenstad Wartberg [Altstadt Warburg], bekennet unde betuget opinbare in dusseme breve vor uns unde alle unse nakommen ratlude, dat wy myt wyllen unde vulbo(e)rt unser oulden heren unde der gantzen gemeynheyt beyder stede Wartberg hebbet vorwilliget unde bestediget, vorwillighen unde bestedighen in crafft dusses breves deme ampte des schowerkes beyder stede Wartberg dusse nabeschreven wonde unde wylkor ewelichen to holdende, also hir nageschreven steyt: To(e)m ersten horet in ore werk trippenmeckere [Pantoffelmacher], budelere [Beuteler, Taschenmacher], remensnydere, platenmeckere [Harnischmacher] unde sedelere [Sattler]. Unde eyn itlich dusser vorg[enompten] werknoten ma(e)ch sek dusser vorg[enompten] gebruken semptlichen unde besundern noch syneme wyllen unde kore. Unde we in dyt vorg. ampt wyl unde des begert to wynnende, schal to(e)m ersten borger syn to Wartberg unde schal syn echt unde recht unde nemandes eghen, von gudeme gerochte, he sy wiff eder ma(e)n. Unde we so is, also vorg[eschreven] steyt, unde dyt vorg. werk wynnen wyl, sek des to brukende, schal deme rade to der tyd geven to vorne eynne halve mark Wartberscher weringe [Warburger Währung] unde do(e)n vo(e)rt demme werke eynnen dinst na guder oulden wonde, eder geven demme werke vor den dinst dre mark der weringe vorg., unde vort to bate to den lechten dusses werkes twe punt wasses, twe schillinge to den kannen, twe schillinge to den pellelen [Bahrtuch], unde demme knechte dusses werkes twe pennynge. Unde de sulve nyge werkma(e)n schal schenken [einschenken, bedienen] in des werkes sametkommen, so lange dat eyn ander nyge broder komme, de enne avedryve, dat vort to vorwarende. Welk nyge broder dat vorsümede unde nicht en schenckede, so vorg[eschreven] is, de schal geven to bate eren lechten eyn halff punt wasses, so vaken also he dat vorbreke. Unde hedde welk werknote sone, de dusses amptes vorg. begerden unde dat wynnen wolden, der hefft eyn juwelich eyn halff werk unde de anderen helffte schal he wynnen myt der helffte des dinstes vorg. Unde neme welk werkman eynnen leerjunghen to sek to lerende, de lerejunge mach sek myt synen werkmestere des vordregen, so he neste ka(e)n uppe redelicheyt, unde schal vo(e)rt demme werke geven eynnen halven tover [Zuber] be(e)rs unde twe punt wasses to den lechten. Unde we so diit (dyt) vorg. werk gewunnen hevet, so vorg. steit, unde des werkes sande hebben wyl, de schal se wynnen myt negen schillingen der weringe vorg. Unde de schal he utgeven to dren tyden des jars unde in demme jare, wen he de sande wynnet. Unde koffte welk werkmester dusses amptes oppinbar roffgut [Raubgut] myt syner wettenscho(e)p, de schal dat deme rade to der tyd to vorne vorbetteren unde deme werke dar na, so dat he schal geven demme werke von itlichem stucke eyn punt wasses. Vor(e)t so schal nemant wonnen in den Huffen unde to Berne, de dyt vorg. ampt antaste, eder sek des erbruke neynnerleye wis. Unde unse parkerken in beyden steden Unser Leven Vrouwen unde sunte Johans Baptisten sollen se gelich zyren myt wasse unde kleynode des werkes, dat se dar to hebbet, eder hebben mochten, so dat in eynner kerken nicht me(e)r en sy(e), den in der anderen. Unde dyt vorg. ampt unde werk schollen in eynnem juwelichen sunnavende ere gemakete werk to demme markete dreghen sunder geverde. Tastede ouk itteswelk, de sy borger, vromede eder inwonner in dyt vorg. werk, buten den vrygenkermissen unde jarmarketen, unde dyt werk overfore eder overdroge mit demme, dat in dyt werk horde, de schal dat demme rade to vorne vorbetteren, unde demme werke dar na, so vaken dat geschege. Ouk were welk in dusseme werke, he sy wiff eder ma(e)n, de van schande wegene overwunnen worde mit rechte, den schal men ute demme werke werpen unde dar nicht ynne hebben, sek des tho brukende. Unde fore welk werkmester dusses amptes von uns in eynne andere stad buten Wartberg, de mach syn werk bewaren eynnes juwelichen jars mit eynneme pennynge; vorsumede he dat unde des pennynges nicht ut engeve vor syn jargelt in eynnem juwelichen jare, de hevet syn werk vorloren. Unde wel he dat werk weder hebben unde wynnen, dat schal he wynnen von nygens up. Unde we(e)n dyt ampt vorg. decken kuset, so schollen de nygen unde de oulden deckene ut dusseme ampte twe deckene kesen, de ereme werke vor syn na redelicheit unde mogelicheit. Unde der schal eyn sin up der Nyginstad [Neustadt], unde de andere in der Ouldenstad [Altstadt]. Unde we so gekoren worden unde nicht endeden, de scholt dat deme werke vorbetteren, eyn juwelich mit eynnem tover beers, unde stan vo(e)rt oventure [108]. Unde wes de meste ho(e)p eyns wert in dusseme werke, demme schal de mynste ho(e)p volgen na redelicheit sunder argelist. Unde we dat vorbreke unde hirynne tegen dat werk were, scholde dat deme werke vorbetteren. Were ouk, dat welk werknoten dusses vorg. amptes under sek twyschellich worden in deme werke mit worden eder mit werken, dat schal dat werk vor den deckenen richten unde utdregen. Unde welk werkmester dat vorbreke unde nicht so u(e)t endroge, so vorg[eschreven] is, unde anders wa(e)r sochte, de schal dat deme werke vorbetteren na gnaden des werkes. Vort is beredet twysschen dussem ampte unde deme lowerkeampte, so dat eyn itlich der twyger partie syn ampt besunderen schal oven; unde wolde der schomeckere welk dat loampt oven, de scholde deme lowerke dar umme doen, also dat in deme werke wonde is. Wolde ouk eyn loe(e)r dat schoampt antasten, de scholde dat loamp(e)t vorlaten unde doen den schomeckeren, also en er wonde bor(e)t. Anders schal er(e) eyn in des anderen werk nicht tasten. Ouk so moget de schomeckere semptlichen eder eyn dels besunderen, eder er eyn alleyne ledder von buten halen, dat geloet sy. We dar syn gelt anne hevet, unde eventhur [auf Risiko] hevet mede gesta(e)n an demme leddere, de magh synen del dar von nemen, wen se dat delet, unde dat mach he vorarveiden. Sunder he en schal des ledders hir nicht vorkopen ane to vrygen kermissen unde jarmarketen. Vort so en schollen de lorer von buten to neynen schoe nemen an [außer] erem leddere, noch von buten to bringen, de se hir vorkopen, ed en were, dat se se pandeden vor er gelt von buten von den yennen, den se er ledder vorkofft hedden sunder argelist. Unde hedden der schomeckere welk hude [Häute], de en geworden waren von den yennen, den se schoe dar anne [dafür?] maket hedden eder von den yennen, den se schoe vorplegen [liefern] des jars in or hus, de hude sollen dat loewerk, wemme se se bringet, e(e)n loe(e)n to ereme nutte, unde schollen dar redelich gelt unde lo(e)n von nemen. Unde wy borgermestere unde rede beyder stede vorg. bekennet opinbarlichen in unde mit dussem breve vor uns unde unse nakommen rede, dat wy sodanne wonde unde wilkor vorg. dusser ampte hebbet vorwylliget unde bestediget umme guder overdracht unde eynnunge wyllen, ouk utbescheden unses heren unde des rades rechte unde gerichte, so dat unse vrygheit unde recht, dat unse stede von unsem heren hebbet, ungekrencket unde unschedelich blive. Unde hebt des to vorder bekantnisse unser stede der gemeynheit grote ingesegele vor uns, unse nakommen ratlude unde gemeynheide vestlichen an dusseme breff gehangen. Datum anno domini 1436 die conversionis beati Pauli apostoli. Beglaubigte Abschrift. Zeugen: Cord Ovenute, Gotte Penckinges, Sander Kannengeter, Bertold Bovenberges, Bürger zu Warburg. Siegelankündigung: Henrich de Meyger, weltlicher geschworener Richter der Neustadt Warburg, Henneke Reghenhardes, weltlicher geschworener Richter der Altstadt Warburg. [108] Eventure = Zufall. |
|||||||
Archiv | ![]() |
|||||||
Bestand | ![]() ![]() |
|||||||
Benutzungsort | Erzbischöfliche Akademische Bibliothek Paderborn | |||||||
Quelle |
![]() |
|||||||
Formalbeschreibung |
Beglaubigte Abschrift vom 22.12.1443, Perg., Nd. - 2 anh. Siegel: 1) Henrich de Meyger, (Umschr. st. besch.), 2) Henneke Reghenhardes, (vorderer Teil, d.h. Bild und Umschr. verl.) - Rückseite: Iv 15./16. Jh. u. Iv 17. Jh./ [Iv u. Sign. um 1800] Nro 152/ [Sign.] 122; Vorderseite: 1436 und 1443 - Anm.: Urkundensammlung Kaplan Brügge Druck: Stolte S. 263-265 |
|||||||
Projekt | ![]() |
|||||||
Systematik |
|
|||||||
Datum Aufnahme | 2004-07-26 | |||||||
Aufrufe gesamt | 3847 | |||||||
Aufrufe im Monat | 119 | |||||||
|
||||||||
![]() |
Zum Seitenanfang
![]() |