| Titel/Regest |
Wysset hochgeborn forsste her Johan, hertzoge zu Kleve und grave von der Margke [Mark], daz wir her nach geschr. in aller fehede und vorwarunge mit uch sytzen und sten woln, so der edeller unser gnediger lyber jungher jungher [!] Evert von Seyn [Sayn], junge grave zu Widichensteyn [181] [Wittgenstein], itzunt zur tziit uger fyent geworden nach inhalde sins fehede breffes, mit namen Johan von Cronbach, Wigant und Wigant von Bydenfelt, gefettern, Cord von Essewege, Dyderich Schurnstlas[sen?], Lorencyes Wintter, Johan Knobeloich, Johan von Hoinffels mit uns[en?] knecht[en?], helffern und miderydes und wers, daz ir uger lande, leude und undersas[s?]en sollichir unser fehede eynnichen schaden nemet, wii sich der schade mechte eder tzu qwem nicht dar von usgescheiden, des woln wir alle semplich und unser iglich besundern uns ere an uch vorwart han und woln uch dar forder nicht zu an[t?]werden und bedorffen wir eynicher vorwarunge me, dy woln wir alle hir myde gedan han und tzyn uns des in des egnt. unsern gnedigen junghern frede und unfrede in orkonde myns Johans von Cronbaches ing., des wir andern uns hir zu myde gebruchen datt. anno domini M CCCC LXVI uff den nesten dinstdagh vor sintte Walpperge dage.
[181] Möglicherweise auch Wedechensteyn. |
Suche DWUD 
früher
|
später
Verein für Geschichte und Altertumskunde Westfalens, Abteilung Paderborn e. V. 
Stöwer, Ulrike (Bearb.) | Das Archiv des Vereins für Geschichte und Altertumskunde Westfalens, Abteilung Paderborn e.V. | Nr. 657, S. 317 
zurück
