Regest |
||||||||
---|---|---|---|---|---|---|---|---|
Datum |
1491-08-01 ![]() ![]() |
Datum Bestand: ![]() ![]() |
||||||
(up dach sunte Peters ad vincula) | ||||||||
Titel/Regest | Ordnung des Osterspitals zu Paderborn: To wettende dat up datlinck gyffte dusser tzedelen de ehrszamen borgermestere olde unde nye myt wetten unde willen unde vulbort beider reide der stadt Pad[erborn] nabeschreven dinge sunderlinx to donde hebben synt eyns geworden myt den brodern unde sustern des Osteren Spitalß in der Gyrstrate, bynnen Pad. gelegen, dat twe huyß dat eyne vor manß unde eyn vor de vrowenß personen hevet umme deß gemeynen besten willen aldus reformert unde gesat hebben der olden friheyt unde wonheyt deß huyseß unschedelick, up dat de provisor unde eyne ytlich der broder unde sustere wetten meß, malkem tho donde geburt. I Tom ersten, so en schal man neymandeß yn dat hospitaill nemmen, de yn echtschop [241]vorbunden sy, he sy man off vrauwe, unde wem men dar yn nemmet, de schall borger edder borgerssche syn, erlike, frome unde gudeß gerochtes sunder argelist. II Item wem me dar yn nemet, he sy provisor, broder edder suster, weß de dar yn brynget, schall dar ynne bliven lovet de rente to makende, deß schall he vorsekeronge doin bynnen jare unde dage to bestellende, doet he deß nicht, so en schall he der provende nycht gebruken, so lange dat de vorsekerunge unde dat vullenwegen ys. III De provisor unde de manne schollen wonnen unde slapen yn der manne huys unde de sustere yn der suster huyße, unde we dar buten wonnet off uth slepet, de en schall der provene nicht upnemmen noch gebruken sunder argelist, dar umme is gesacht worden, eyn provisor, broder edder suster mede yn deme huyse so vorg. steyt to wonende, de mach uth teyn unde, weß he dar yngebraicht, dar ynne laten unde alleyne gebruken syn lyvelanck der renthe, de he gemacket hedde, so dat de rente na synem dode den brodern unde susteren blive ock sunder argelist. IIII So schall all dat jenne, weß dar malck yn bringet, na dode eyns juwelken he[r]n provisor, broder edder suster komen tho buwe unde betteronge beyder huyse, uthgesaicht de renthe schall komen to betterunge der provene, alse dat dar mede duslange gehoulden iß unde sick geburt. V So schall de provisor de renthe des hospitails to rechten tyden manen unde dat nemandes eyn overseyn noch qwyt laten. VI So schall de provisor den brodern unde sustern to rechten tyden ore proven gelt unde hantgelt, ber unde brot na wonheyt des huyses geven. VII Den keller schal me en twey tunen unde cleven myt do(e)ren slottafftich maken, dat de eyne deill sy to behoiff des provisors unde de ander deill to behoiff der brodere unde sustere, dar der brodere eyn unde der sustere eyn sluttell to hebben to bere unde brode, wanneyr men dat geven schall dar to vur up tho slutende. VIII Schall de provisor roggen unde molt thor mollen senden, malen, broit backen unde ber bruwen laten, dar to sall he van des hospitails renthe hebben iwelikes iars sees schillinge Pad. werunge, klyen, draff unde ander rissz [242] behoulden sunder argelist. IX So schall de provisor yn der manne huyse holtkollen bestellen, als dat wontlick is. X Den Hoppenhoff to beredende sall de provisor bestellen van des hospitals renthen, wer ok welck van den brodern unde sustern dar mede kunde unde dar to dochte, den mochte de provisor dar to nemmen unde widder overseyn etc. Item brodern unde sustere sollen den morgen to kercken gan unde neyn furboten affmaken eyr achte offte nygen uren, och wer saike ore welck yn komicheyt bevallen were to redeliker orsaike, dar schall de provisor eyn upseyn hebben unde des namytdages thor wesper gain unde anndere gude wercke stellen, dancber syn Gode unde derjennen, de dat gemacket hebben. Dusses thor orkunde synt dusser tzedelen ware gelikes ludende gemaket der eyn by deme rade, eyn by dem provisor, eyn by den brodern unde de veyrde by den sustern, de gegeven synd na Godtes gebort dusent veerhundert eyn unde negentich up dach sunte Peters ad vincula. [241] Ehe. [242] Kleie, Treber und anderer Abfall. |
|||||||
Archiv | ![]() |
|||||||
Bestand | ![]() ![]() |
|||||||
Benutzungsort | Erzbischöfliche Akademische Bibliothek Paderborn | |||||||
Quelle |
![]() |
|||||||
Formalbeschreibung |
Abschrift des 15. Jh., Papier (Wasserzeichen: Ochsenkopf mit zweikonturiger Stange, Kreuz und Schlange), Nd. - Rückseite: 113 Regest: Stolte S. 365 |
|||||||
Projekt | ![]() |
|||||||
Systematik |
|
|||||||
Datum Aufnahme | 2004-08-09 | |||||||
Aufrufe gesamt | 2123 | |||||||
Aufrufe im Monat | 66 | |||||||
|
||||||||
![]() |
Zum Seitenanfang
![]() |