Internet-Portal "Westfälische Geschichte"

Regest

Datum

1283-08-01

Suche DWUD

Suche Portal

Datum Bestand:

früher | später

Urheber/Aussteller

Heinrich, Propst (Aussteller) / Siegfried, Erzbischof (Urheber)

Empfänger

Dietrich von Soest / Dietmar, Magister

Ausstellungsort

Lippoldsberg

Titel/Regest

Heinrich, Propst des Benediktinerklosters Lippoldsberg, transsumiert für Dietrich von Soest, den Magister Dietmar und die Kanoniker des Paderborner Domstifts eine Urkunde Erzbischof Siegfrieds von Köln vom 16.11.1282 (siehe Urkunde Nr. 11), in der dieser dem Dekan von St. Patroklus in Soest und dem genannten Aussteller befiehlt, ihrerseits den Bischof und das Domkapitel von Paderborn zu ermahnen, das Dominikanerkloster Warburg weder zu schädigen noch zuzulassen, daß es durch andere geschädigt wird.

Das Siegel wird durch den Aussteller angekündigt.

Text

Reverendis in Christo dominis, Theodorico de Susato, magistro Detmaro, canonicis Paderbornensis ecclesie, Henricus prepositus in Lippoldesberch Moguntinensis dyocesis quicquid poterit obsequii et honoris. Vestram discretionem cupimus non latere nos litteras venerabilis archiepiscopi Coloniensis in forma, que subiecta est, eatenus recepisse: Sifridus Dei gratia sancte ecclesie Coloniensis archiepiscopus, sacri imperii per Ytaliam archicancellarius dilectis in Christo decano sancti Patrocli in Susato Coloniensis et preposito in Lippoldesberch sanctimonialium ordinis sancti Benedicti Moguntinensis dyocesis saltem in Domino sempiternam. Cum simus a sede sancte Romane ecclesie conservator privilegiorum fratrum ordinis Predicatorum per Theutoniam constituti et pertransire non debeamus, ut Deo digni fratres predicti contra privilegia ipsa a quoquam quomodolibet molestentur et per gravem fratrum eiusdem ordinis in Wartberch dyocesis Paderbornensis per manus prioris provincialis eorum ex parte fratrum ipsius ordinis in dicto opido Wartberg domum sui ordinis construentium, iuxta quod eis ius publicum tribuit pariter et privatum, accepimus hanc querelam, quod quedam tam ecclesiastice quam seculares persone non recte sentientes eosdem fratres et eorum fautores et benefactores iniuriis diversis et molestiis, ut a loco disturbentur, in quo satagunt ad datam sibi gratiam ad tenorem iuris ac privilegiorum a sancta Romana sede sibi indultorum Domino studiosius famulari, contra indulta ipsa eos non mediocriter molestarunt et molestunt ostendentes per hoc de se ipsis, quod non multum ad sedem apostolicam habeant devotionis et modicum ad dictos fratres et eorum ordinem gratie vel favoris. Cum igitur talia nullatenus preterire valeamus, vobis auctoritate, qua in conservatione privilegiorum memoratorum fungimur, et sub pena suspensionis et excommunicationis sententie late in hiis scriptis districte precipimus et mandamus, quatenus ad requisitionem eorundem fratrum ambo vel alter ex vobis in hoc usus hac auctoritate insolidum vel per presentiam personalem vel per vestras litteras dilectos in Christo electum et capitulum Paderbornenses et alios prelatos et clericos dicte dyocesis karitative monere curetis, ut proprie honestati et dictorum fratrum paci et quieti intendentes eos non solum non molestent, immo etiam non permittant ab aliis molestari, ne per cohertionem nobis a dicta sede commissam conpellamur eisdem fratribus et eorum ordini super hoc aliter providere. Datum XVI. kalendas Decembris anno Domini Mo CCo LXXXIIo.

Cum autem hoc mandatum cum ratione reverentie sedis apostolice tum ratione pene in mandato nobis intente pretermittere nullatenus valeamus, rogamus suppliciter, hortamur et monemus, quia personaliter adesse non possumus, prout in forma mandati expressum est, vestra benignitas ob percipiendum amplius bravium vite eterne ac ob reverentiam sedis apostolice hec eadem liquido studeat adimplere. Datum in Lippoldesberch anno Domini Mo CCo LXXXIIIo in die beati Petri ad vincula.

Archiv