| Titel/Regest |
Erzbischof Siegfried von Köln ermahnt die Pröpste von Lippoldsberg und Hilwardshausen sowie den Domherrn Konrad von Gandern in Geismar unter Strafandrohung dafür zu sorgen, daß Personen, die dem Dominikanerkloster in Warburg Schaden zugefügt haben, künftig alle feindlichen Handlungen unterlassen. Diejenigen, die das Kloster geschädigt haben, sollen binnen fünfzehn Tagen Genugtuung leisten oder andernfalls vor Gericht geladen werden. Dem Erzbischof ist über Verlauf und Ausgang der gerichtlichen Untersuchung Bericht zu erstatten. |
| Text |
'Sifridus Dei gratia sancte Coloniensis ecclesie archiepiscopus sacri imperii per Ytaliam archicancellarius dilectis in Christo in Lippuldisberge, in Hildewardishusen sanctimonialium prepositis et Conrado de Gandere canonico in Gismaria Moguntinensis dyocesis salutem in Domino sempiternam. Cum simus a sede sancte Romane ecclesie conservator privilegiorum fratrum ordinis Predicatorum per Theutoniam constituti et pertransire non debeamus, ut Deo digni fratres predicti contra ius et privilegia ipsa a quoquam quomodolibet molestentur, et per gravem fratrum eiusdem ordinis in Wartberg dyocesis Padirburnensis per manus prioris provincialis eorum ex parte fratrum ipsius ordinis in dicto opido Wartberg domum sui ordinis construentium, iuxta quod eis publicum ius tribuit pariter et privatum, accepimus hanc querelam, quod quedam tam ecclesiastice quam seculares persone non recte sentientes eosdem fratres et eorum fautores et benefactores in iniuriis diversis et molestiis, ut a loco disturbentur, in quo satagunt ad datam sibi gratiam ad tenorem iuris ac privilegiorum a sancta Romana sede sibi indultorum Domino studiosius famulari, contra indulta ipsa eos non mediocriter molestarunt et molestant ostendentes per hoc de se ipsis, quod non multum ad sedem apostolicam habeant devotionis et modicum ad dictos fratres et eorum ordinem gratie vel favoris. Cum igitur talia nullatenus preterire valeamus, vobis auctoritate, qua in conservatione privilegiorum memoratorum fungimur, et sub pena suspensionis et excommunicationis sententie late in hiis scriptis districte precipimus et mandamus, quatenus ad requisitionem fratrum eorundem omnes vel alter ex vobis vel per presentiam personalem vel per vestras literas dictos molestatores fratrum predictorum et perturbatores, cuiuscumque fuerint conditionis a) ordinis vel dignitatis dicte dyocesis, karitative monere curetis, ut proprie honestati et dictorum fratrum paci et quieti intendentes eos non solum non molestent, immo etiam non permittant ab aliis molestari, ne per cohertionem nobis a dicta sede commissam compellamur eisdem fratribus et eorum ordini super hoc aliter providere. Preterea moneatis dictos fratrum predictorum quoscumque molestatores et perturbatores, prout vobis ab eisdem fratribus fuerint nominati seu demonstrati, ut de iniuriis, conviciis et contumeliis, quas dicuntur dictis fratribus et per eos dictorum fratrum ordini intulisse, satisfacere procurent infra quindecim dies post vestram monitionem et de cetero ab eorum fratrum molestiis penitus conquiescant. Alioquin citent eosdem sic nominatos ab eisdem fratribus peremptorie ad terminum competentem, ut coram nobis compareant Colonie vel nostro officiali, cui, si presentes non fuerimus, in hoc committimus vices nostras, facturi et recepturi super hiis et aliis dicta privilegia et conservationem nobis commissam contingentibus, quod ius dictabit, intimantes eisdem, quod, sive venerint sive non, nos vel dictus officialis noster, quod iustum fuerit, faciemus, diem vero citationis, nomina citatorum et quid super hiis feceritis, nobis vestris patentibus litteris rescribentes. Datum Colonie XII. kalendas Septembris anno Domini Mmo CCmo LXXXmo tertio.'
a) Über der Zeile nachgetragen. |
Suche DWUD 
früher
|
später
Warburg, Dominikanerkloster 
zurück
