Regest |
||||||||
---|---|---|---|---|---|---|---|---|
Datum |
1286-03-07 ![]() ![]() |
Datum Bestand: ![]() ![]() |
||||||
Urheber/Aussteller | Otto , Bischof | |||||||
Titel/Regest | Bischof Otto von Paderborn überträgt dem Dominikanerkloster Warburg die dortige Pfarrkirche St. Maria im Weinberg, sichert für die Zukunft seine Unterstützung zu, verpflichtet sich zur Gewährleistung und auf Wunsch zur Austellung neuer und Erneuerung früherer Besitzbestätigungen. Die Kirche soll allerdings bis auf weiteres als Pfarrkirche genutzt werden. Die bischöflichen Kastellane, die beiden Ravenos, Konrad und Ekbert Spiegel, sowie Vogt und Steuereinnehmer werden zur Überwachung dieser Anordnungen und zum Schutz des Konvents verpflichtet. Zeugen: Prior Nikolaus und Subprior Bernhard des Dominikanerklosters Warburg, Ekbert Spiegel, Albert von Amelunxen, die beiden Ravenos, Ritter. |
|||||||
Text |
'Otto Dei gratia Paderburnensis ecclesie electus et confirmatus dilectis sibi in Christo fratribus Predicatorum ordinis conventus Wartbergensis dyocesis et civitatis nostre salutem et cumulum celestium premiorum. Quoniam ad tenorem ewangelicum habundante iam iniquitate refriguit karitas plurimorum, que tamen iuxta sacrum eloquium mater et forma est virtutum ceterarum, utpote sine qua cetere Deo non sunt placite velud defective hac nullatenus excidente, ad quam excitandam et in cordibus fidelium ac infidelium accendendam, cum Deus ordinem vestrum suscitaverit ac sancta sedes apostolica confirmaverit et ordinariis locorum mandaverit, admonuerit et rogaverit vos debere per ipsos defensari et in vestris necessitatibus adiuvari, nos ob reverenciam sedis antea memorate maiorum exemplis et vestigiis in fundatione piorum locorum inherentes hec benivolencius et beneficencius cupimus adimplere. Unde cum nostri iuris sit parrochias dividere ac unire causis necessariis ingruentibus ac teneamur nichilominus ipsis ecclesiis in divino officio providere ecclesiaque parrochiali gloriose Dei genitricis Marie civitatis Wartbergensis in Vinea in redditibus adeo sit tenuis, quod non possit in ipsa sustentari rector secundum suas necessitudines et decentiam clericalem hiis de causis et, ut locus officietur melius, vobis statuimus libere omni conditione cessante et pacto propter Deum et sue matris honorem et concedimus ac damus in proprietatem perpetuam pro claustro fundando ad vestri sacri ordinis institutionem ipsam eandem gloriose Dei genitricis ecclesiam cum campanis et cimiterio pro cultu Dei ampliando iugiter possidendam. Insuper fundum totum cum omni iure, quem nulli nec in toto nec in parte recognoscimus, vobis venditum pro marcis quinquaginta usualis monete apud nos publice protestamur, eum videlicet fundum, qui continetur inter murum nove civitatis et murum Bernam, locum dividentem a veteri civitate et viam nunc usitatam, qua itur et ascenditur a valva tendente versus dictam Bernam usque ad cimiterium Beate Virginis et sic circa cimiterium usque ad viam ad partem cimiterii eiusdem occidentalem et usque ad portam, qua exitur de nova iam habita civitate et locum iuxta cimiterium ipsum, ubi granaria sunt locata et totum locum curie plebani, et, si que alie aree sunt ad ipsam sepe habitam ecclesiam attinentes, per presentes etiam obligamus et astringimus nos pro vobis devictione et evictione responsuros et, ut vulgo dicitur, warandiam quotiens, quando et ubi requisieritis, prestituros et litteras hoc negocium quocumque modo contingentes, quociens petieritis, daturos et innovaturos et, prout umquam poterimus, citius capituli nostri Paderburnensis litteras et sigillum horum plenarie robur et consensum continentes optenturos. Ne autem parrochiales dicte ecclesie oporteat municipium exire et ne nimia parrochie distancia pregraventur, dicte ecclesie de rectore pro tempore providebimus, quousque parrochialibus de loco et parrochia commodius poterimus providere. Preterea ut malignantium astuciis per iusticiam coercitivam plenius obviemus, protestamur nos hec facere potuisse, quia secundum iuris tenorem pro pio loco fundando possemus etiam quinquagesimam vel centesimam proventuum nostrorum sine cuiusquam consensu tradere perpetuo iuxta velle. Ad hec sub penis suspensionis, interdicti et excommunicationis latis sententiis in hiis scriptis in omnes et singulos, qui huic donationi et ordinationi sive verbis sive factis contraierint, precipimus tam clericis quam laicis, ut has donationes, ordinationes, claustri edificationem nullus impediat ullo modo. Committimus etiam castellanis a) nostris in Wartberg, videlicet utrique Ravenoni et Conrado fratribus et Ecberto Speghel militibus, ut, postquam eos requisieritis, per presentes ducant et mittant vos infra triduum auctoritate nostra in donatorum sive venditorum omnium corporalem possessionem. Precipimus autem ei, qui ex parte nostri ibi est advocatus sive temporalium dispensator, ut vobis totum fundum ante nominatum liberum ab omni impetitione faciat et ortos ibi sine auctoritate nostra locatos amoveat et per omnia fundum vestrum auctoritate nostra, quam in hoc sibi integre committimus, proprium faciat et ostendat et a vobis omnes violentias et iniurias propulset hominum malignorum. Per presentes et sub predictis penis precipimus plebano castri sive ei, qui vices eius gesserit, ut easdem sententias publicet et denuntiet, quotiens, quando et ubi et qualiter fuerit requisitus. Acta sunt hec presentibus fratre Nicholao priore et fratre Burchardo suppriore domus Wartbergensis, Ecberto Speghel, Alberto de Amelungessen, utroque Ravenone militibus et aliis pluribus fide dignis, anno Domini millesimo ducentesimo LXXXVIo nonis Marcii b).' a) A: 's' über der Zeile. b) In A 'Marcii' von anderer Hand nachgetragen. |
|||||||
Sonstige Beteiligte | Nikolaus, Prior (Zeuge) / Bernhard, Subprior (Zeuge) / Ekbert Spiegel (Zeuge) / Albert von Amelunxen (Zeuge) / Raveno, Ritter (Zeuge) / Raveno (der andere), Ritter (Zeuge) / Konrad Spiegel (Bürge) | |||||||
Archiv | ![]() |
|||||||
Bestand | ![]() ![]() |
|||||||
Signatur | 31 | |||||||
Benutzungsort | Landesarchiv NRW Abteilung Westfalen | |||||||
Bestellsignatur | Dominikanerkloster Warburg - Urkunden, Nr. 31 | |||||||
Bemerkungen | Der Abdruck folgt A; orthographische Varianten a sind nicht berücksichtigt. | |||||||
Material | Pergament | |||||||
Sprache | lateinisch | |||||||
Überlieferungsart | A: Ausfertigung; B: Abschrift des 19. Jahrhunderts (Urkunde Nr. 17c) | |||||||
Siegel | Das an Pergamentstreifen anhängende Siegel (geringe Reste von weißem Siegelwachs) verloren. | |||||||
Siegelankündigung | 1 | |||||||
Siegel vorhanden | 0 | |||||||
Literatur | Druck: WUB 4, 1872 (fehlerhaft). | |||||||
Projekt | ![]() |
|||||||
Systematik |
|
|||||||
Datum Aufnahme | 2010-07-15 | |||||||
Datum Änderung | 2011-01-17 | |||||||
Aufrufe gesamt | 12727 | |||||||
Aufrufe im Monat | 335 | |||||||
|
||||||||
![]() |
Zum Seitenanfang
![]() |