| Text |
'Venerabili domino ac reverendo domino Sifrido Coloniensi archyepiscopo vel eius officiali Conradus de Gandera humilis canonicus Geysmariensis, Moguntine dyocesis, reverentiam humilem et devotam. Quia per vestras litteras, domine reverende, collegis meis, scilicet a) prepositis sanctimonialium in Lippoldesberch et in Hiltwordeshusen, et michi precepistis auctoritate, qua fungimini in conservatione privilegiorum et indulgentiarum fratrum ordinis Predicatorum per Teuthoniam, ut eos, qui fratres domus Warbergensis dicti ordinis contra ipsa privilegia quomodolibet molestarent, ammoneremus, ut infra quindenam dictis fratribus satisfacerent et de cetero nullatenus talia attemptarent, quidam presumptores vestris per nos non annuentes monitis presumptuosius postea plurima attemptarunt. Quare iuxta vestrum mandatum eosdem ad vestram presentiam in Coloniam vel vestri officialis, si presens non essetis, citavimus, ut per vestras litteras habuimus in mandatis. Nomina autem citatorum sunt hec: Henricus magister civium, Ysherus, Conradus Scele, Ludolfus Sceve, Johannes Biscop, Henricus de Rodhen, Arnoldus Cruse, Conradus de Voltessen, Henricus Uden, Albertus Clusenere, Wernherus Servatii, Bertoldus Servatii, Hermannus de Hildeboldessen, Teodericus Hoyeri, Johannes Pardan, Johannes Iudhe, Menfridus, Tymo, Henricus Kakewel, Conradus de Vilmare, Bertoldus Busse, Johannes Lepus quondam custos ecclesie sancte Marie in Vinea. Hos citavimus, ut Colonie die sequenti post octavas epiphanie comparerent, dictorum fratrum coram vobis vel vestro officiali querimoniis responsuri et nichilominus denunciavimus eisdem, sive venirent sive non, quod vos vel vester officialis, quod ius dictaret, faceretis. Datum in die Innocentum.'
a) Vorlage: 'silicet'. |
Suche DWUD 
früher
|
später
Warburg, Dominikanerkloster 
zurück
