| Titel/Regest |
Erzbischof Siegfried von Köln bezieht sich auf die Auseinandersetzungen zwischen Warburger Dominikanern und Warburger Bürgern, die dadurch entstanden waren, daß der Bischof Otto von Paderborn die Warburger Pfarrgemeinden von St. Maria im Weinberg und St. Johannes vereinigt und den Dominikanern die genannte Kirche St. Maria im Weinberg zur Gründung ihrer Niederlassung geschenkt und persönlich übergeben hatte. Der Erzbischof befiehlt den namentlich aufgeführten Bürgern, ihren Widerstand gegen die Entscheidung des Bischofs, der sich in Beschimpfungen, Behinderungen und Übergriffen gegen den Subprior Burkhard 'de Bure' und den Mönch Friedrich 'de Brunswich' geäußert hatte, unverzüglich aufzugeben. Wer sich solcher Vergehen schuldig macht, soll mit Kirchenstrafe belegt werden. Der Paderborner Bischof wird ferner aufgefordert, diejenigen, die Widerstand leisten sollten, zu ermitteln, dem Erzbischof namentlich mitzuteilen und sie nebst Zeugen, die zur Wahrheitsfindung beitragen können, vor das erzbischöfliche Gericht zu laden, um rechtmäßige Urteile zu fällen. |
| Text |
'Sifridus Dei gratia sancte Coloniensis ecclesie archiepiscopus sacri imperii per Ytaliam archicancellarius conservator privilegiorum religiosorum virorum, prioris provincialis Alemanie et fratrum sui prioratus ordinis Predicatorum, a sede apostolica deputatus officiali nostro salutem in Domino. Sua nobis prior et fratres ordinis predicti domus in Wartberg Paderburnensis dyocesis gravi conquestione monstrarunt, quod licet venerabilis pater Otto Paderburnensis ecclesie electus, postquam electio de se ad ecclesiam Paderburnensem facta extitit canonice confirmata, consideratis provide considerandis, ut cultus divinus magis augeretur, parrochiam ecclesie sancte Marie in Vinea opidi Wartbergensis parrochie sancti Iohannis sibi vicine univerit, ecclesiam ipsam sancte Marie, cuius collatio ad ipsum electum pertinebat, cum iuribus et pertinentiis suis ordini fratrum Predicatorum pro edificando inibi claustro et aliis officinis suis usibus oportunis pia et provida deliberatione contulerit eademque collatio sic provide de dicta ecclesia facta per privilegia ipsis fratribus et ordini a sede apostolica indulta defectum etiam, si quis extitit in premissis, de plenitudine potestatis supplendo, sit specialiter et ex certa scientia confirmata. Quamquam etiam prefatus electus ipsos, priorem et fratres, in possessionem predicte ecclesie sancte Marie induxerit presentialiter corporalem, contradictores et rebelles quoscumque et se dictis priori et fratribus ac ordini in premissis opponentes et impedimentum quoquomodo prestantes conpetenti monitione premissa sententia excommunicationis auctoritate sua ordinaria innodaverit. Et quamvis ipsis, priori, fratribus et ordini, a sede apostolica sit indultum, quod nullus in hiis, que ipsis in testamentis defunctorum seu pia largitione fidelium conceduntur, ipsos quoquomodo impedire presumat, Henricus tamen magister civium, Ysherus, Conradus Schele, Ludolfus Scheve, Johannes Bischof, Hermannus Hildeboldessen, Theodoricus Hoyeri, Johannes Pardan, Johannes Jude, Menfridus, Thymo, Henricus Kakewel, Conradus de Vilmare, Henricus de Rodhen, Arnoldus Cruse, Conradus de Voltessen, Henricus Uden, Albertus Clusenere, Wernherus Servatii, Bertoldus Servatii, Bertoldus Busse, Iohannes Lepus quondam custos prefate ecclesie sancte Marie, et quidam alii filii iniquitatis eorum in hac parte conplices opidani opidi Wardbergensis predicti contra concessionem, donationem et collationem per privilegia sedis apostolice, ut dictum est, confirmatam et approbatam ausu nefario spiritu rebellionis assumpto temere venientes ipsos, priorem et fratres domus in Wartberg impediunt et impedimentum prestant et prestiterunt eisdem, quominus ipsi, prior et fratres, dicta ecclesia sancte Marie cum suis iuribus et pertinentiis uti possint et frui pacifice et quiete et suam exinde facere liberam voluntatem iuxta formam concessionis predicte et hiis non contenti malum malo accumulantes in Burghardum de Bure suppriorem dicte domus et Fredericum de Brunswich fratres ordinis predicti manus iniecerunt temere violentas facientes nichilominus publice pulsari campanas ibidem contra ipsos priorem et fratres tamquam contra fures et latrones congregata multitudine opidi antedicti alias, etiam verbis opprobriosis et factis contumeliosis iniuriosi existentes eisdem. Arnoldus etiam perversionis presbiter iter prebens aliis ad ruinam ipsis malefactoribus sic excommunicatis presentibus contra inhibitionem prefati Paderburnensis electi expressam in dicta ecclesia sancte Marie et alibi divina de precepto voluntate et mandato dictorum malefactorum celebrare, immo quantum in eo est, prophanare non formidat se propter hec excommunicationis sententia ab ipso Paderburnensi electo, ut dictum est, auctoritate ordinaria promulgata dampnabiliter involvendo in ipsorum, prioris et fratrum, grave preiudicium, iniuriam non modicam et gravamen et contra indulta privilegiorum eorundem, super quibus iidem, prior et fratres, ad nos recursum habentes petebant a nobis humiliter sibi et ordini contra malefactores huiusmodi subveniri iuxta traditam a sede apostolica nobis formam. Cum premissa et excessus premissi sint adeo veri, notorii et manifesti in locis, ubi perpetrati sunt et vicinia ibidem, quod nulla possunt tergiversatione celari, nos igitur super hiis scire volentes veritatem, ut hii, qui obnoxii inventi fuerint, canonice puniantur iuxta apostolicam traditam nobis formam. Quocirca tibi mandamus et committimus per presentes, quatinus vocatis, qui fuerint evocandi contra malefactores et sacrilegos huiusmodi vice et auctoritate nostra secundum retroacta procedens observato iuris ordine, qui in talibus observari consuevit, si huiusmodi excessus sint veri, notorii et manifesti per te vel per alium seu alios inquiras et veritatem inquisitam nobis referas vel remittas ad diem conpetentem tuo arbitrio moderandam, ad quam etiam diem cites partes predictas per te vel per alium seu alios peremptorie coram nobis ad faciendum super hiis et in negotio, quod dictaverit ordo iuris dantes etiam tibi potestatem conpellendi testes, si necesse fuerit, ad perhibendum testimonium veritati. Datum anno Domini Mo CCo octuagesimo septimo, sexta feria post octavam Epiphanie Domini.' |
Suche DWUD 
früher
|
später
Warburg, Dominikanerkloster 
zurück
