| Titel/Regest |
Der Offizial der Kölner Kurie berichtet über die vor ihm geführte Verhandlung der Klage der Warburger Dominikaner, vertreten durch den Kölner Dominikanerbruder Dietrich von Sachsen, gegen namentlich genannte Warburger Bürger, vertreten durch den Schulleiter Siegfried der dortigen Petrikirche. Der Vertreter der angeklagten Bürger lehnt Köln als Verhandlungsort ab und erwirkt die Verlagerung der Verhandlung an einen Ort bei Paderborn, verweigert dann aber eine Aussage zu den vorgebrachten Anschuldigungen und entfernt sich schließlich ohne Erlaubnis von der Verhandlung, weshalb er und die von ihm vertretene Partei wegen Mißachtung der gerichtlichen Anordnung verurteilt werden. |
| Text |
'Officialis curie Coloniensis auditor seu inquisitor in negocio, quod prior et fratres ordinis Predicatorum domus in Wartberg contra Henricum magistrum civium, Ysherum, Conradum Scheyle, Ludolfum Scheve, Johannem Bischof et alios eorum conplices seu litis consortes opidanos in Wartberg prosecuntur coram reverendo patre domino Coloniensi archiepiscopo conservatore privilegiorum prioris provincialis Alamannie et fratrum sui prioratus ordinis praedicti, ab eodem domino archiepiscopo deputatus, recepto mandato domini archiepiscopi antedicti et procuratoribus parcium predictarum, videlicet fratre Theoderico de Saxonia domus in Colonie ordinis memorati pro iam dictis priore et fratribus et Sifrido rectore scolarum ecclesie sancti Petri Wartbergensis pro prefatis opidanis nomine procuratorio pro eisdem coram nobis comparentibus, dicto procuratore prioris et fratrum petente a nobis procedi in eodem negocio ad receptionem probationum iuxta traditam ab ipso domino archiepiscopo nobis formam, procurator partis adverse nomine procuratorio proposuit locum Colonie dominis suis non esse tutum petens alium locum tutum assignari ad procedendum in negotio predicto. Quibus propositis et petitis suspendimus et prorogavimus idem negotium in eodem statu usque ad feriam secundam post octavas Purificationis beate Virginis. Qua feria secunda procuratoribus partium coram nobis comparentibus et eadem die continuata usque in feriam quartam proxime subsequentem hora prime dictis procuratoribus eisdem feria quarta et hora coram nobis iterato conparentibus et expositis per nos factis et excessibus, de quibus fit mentio in commissione ab eodem domino archiepiscopo nobis facta, procuratori opidanorum predictorum procurator dictorum prioris et fratrum petivit recipi iuramenta procuratorum partium predictarum hinc inde et testium presencium tunc coram nobis et privilegia, instrumenta et probationes alias examinari super factis et excessibus antedictis. Recepto itaque ab ipso procuratore prioris et fratrum predictorum in suam et ipsorum animas super iam dictis factis et excessibus iuramento et affirmante sub eodem omnia et singula in ipsis factis contenta esse vera, manifesta, publica et notoria, dictus Sifridus procurator opidanorum predictorum requisitus a nobis, ut veritatem ad premissa similiter responderet, respondere non curavit proponens, ut prius locum Colonie dominis suis non esse tutum, petens locum apud civitatem Paderburnensem dominis suis assignari ad litigandum in negocio supradicto. Et licet eundem locum petitum ipsi procuratori nomine procuratorio optulerimus cum effectu, ipse tamen Sifridus procurator contra suam petitionem veniens locum Paderburnensem predictum acceptare recusavit in vocem appellacionis frivole, ac si locus petitus sibi esset denegatus, prorumpendo et a nobis contumaciter illicenciatus recedendo, propter quod exigente iustitia dictum procuratorem et partem suam reputamus contumacem et in absentia ipsius procuratoris per contumaciam, testes predictos, privilegia et instrumenta, quos et que procurator dictorum prioris et fratrum coram nobis produxit in modum probationis super factis et excessibus predictis in forma iuris, recepimus et examinavimus diligenter. Actum anno Domini Mo CCo LXXXo septimo a) feria quarta predicta.'
a) Korrigiert aus 'sexto'. |
Suche DWUD 
früher
|
später
Warburg, Dominikanerkloster 
zurück
