Regest |
||||||||
---|---|---|---|---|---|---|---|---|
Datum |
1287-05-14 ![]() ![]() |
Datum Bestand: ![]() ![]() |
||||||
(anno Domini Mo CCo LXXXo VIIo pridie ydus Maii) | ||||||||
Urheber/Aussteller | Otto, Bischof | |||||||
Ausstellungsort | Paderborn (Paderborne) | |||||||
Titel/Regest | Bischof Otto von Paderborn ermahnt die Pröpste von Gehrden, Willebadessen und Arolsen sowie alle Geistlichen der Paderborner Diözese und speziell den für Warburg zuständigen Archidiakon, die Exkommunikation derjenigen namentlich genannten Warburger Bürger, die tätlich gegen die Dominikaner, insbesondere gegen den Subprior Burchard von Büren und den Bruder Friedrich von Braunschweig vorgegangen sind, in ihren Kirchen bei Glockengeläut und brennenden Kerzen zu verkünden. Sie sollen das Interdikt gegen die Pfarrei St. Petri und die ehemaligen Pfarrkinder der Marienkirche beachten, bis den Dominikanern Genugtuung geleistet worden ist. Ferner werden die Empfänger ermahnt, die Exkommunikation des Priesters Arnold, der gegen die Anweisungen des Bischofs in der Marienkirche eine Messe für die exkommunizierten Bürger gefeiert hat, in ihren Kirchen zu verkünden und ihn in keiner Kirche der Diözese zum Gottesdienst zuzulassen. Die Empfänger sollen schließlich auch all jene für exkommuniziert erklären, die diesen Anweisungen des Bischofs nicht Folge leisten, und die Urkunde gesiegelt zum Zeichen der Ausführung zurückreichen. | |||||||
Text |
O[tto] Dei gratia Paderbornensis ecclesie episopus dilectis in Christo de Gerdene, de Wilbodessen, de Aroldessen sanctimonialium prepositis necnon universis ecclesiarum rectoribus, plebanis, canonicis, cappellanis, presbyteris et clericis nostre Paderbornensis dyocesis [a] et maxime archydiacono sedis Wartbergensis, ad quos presentes littere pervenerint, salutem in Domino. Cum nos matura deliberatione consideratis provide considerandis, ut cultus divinus magis per nostram dyocesem et in nostro Wartbergensi oppido augeretur, parrochiam ecclesie sancte Marie in Vinea predicti oppidi parrochie sancti Iohannis sibi vicine univerimus, ecclesiam ipsam sancte Marie, cuius collatio ad nos pertinebat, cum iuribus et pertinentiis suis priori et fratribus ordinis Predicatorum Wartbergensis, nostre dyocesis, pro edificando inibi claustro et aliis officinis suis usibus oportunis pia et provida consideratione contulerimus eademque collatio sive donatio sic provide de dicta ecclesia per nos facta per privilegia ipsis fratribus et ordini a sede apostolica indulta defectum etiam, si quis exstitit in premissis, de plenitudine potestatis per summum pontificem supplendo sit specialiter et ex certa scientia confirmata, quamquam etiam nos ipsos priorem et fratres cum debita sollempnitate in possessionem dicte ecclesie sancte Marie et montis adiacentis, quem nulli alteri vel in toto vel in parte recognoscimus, induxerimus presentialiter corporalem contradictores et rebelles quoscumque et se dictis priori et fratribus ac ordini in premissis opponentes et inpedimentum quoquo modo prestantes sententie excommunicationis auctoritate nostra ordinaria innodaverimus, Henricus tamen magister civium, Yserus, Conradus Scele, Ludolfus Sceve, Iohannes Bischop, Hermannus Hyldeboldes, Thydericus Hoyeri, Iohannes Pardan, Iohannes Iude, Menfridus, Thymmo et Thymo, Henricus Kakewel, Conradus de Vilmere, Henricus de Roden, Arnoldus Cruse, Conradus de Voltessen, Henricus Uden, Albertus Clusenere, Wernherus Servatii, Bertoldus Servatii, Bertoldus Busse, Iohannes Lepus et quidam alii filii iniquitatis eorum in hac parte conplices, oppidani oppidi Wartbergensis predicti, contra concessionem, donationem et collationem per privilegia sedis apostolice, ut dictum est, confirmatam et approbatam ausu nephario spiritu rebellionis assumpto, temere venientes ipsos priorem et fratres domus in Wartberg ordinis memorati inpediunt et inpedimentum prestant et prestiterunt eisdem, quominus ipse prior et fratres dicti ecclesia sancte Marie et monte adiacente cum suis iuribus et pertinentiis uti possunt et possidere pacifice et quiete et suam exinde facere liberam voluntatem iuxta formam concessionis seu donationis predicte. Et hiis non contenti, malum malo accumulantes, in Burchardum de Buren suppriorem dicte domus et Fredericum de Brunsweich, fratres ordinis predicti, manus iniecerunt temere violentas, facientes nichilominus pulsari campanas ibidem publice contra ipsos suppriorem et fratres, tamquam contra fures et latrones congregata multitudine oppidi antedicti, alias etiam verbis probrosis et factis contumeliosis iniuriosi existentes eisdem. Arnoldus etiam perversitatis presbyter iter prebens aliis ad ruinam ipsis malefactoribus sic excommunicatis presentibus contra nostram inibitionem et excommunicationem expressam in dicta ecclesia sancte Marie divina voluntate perversa celebrare, immo, quantum in eo est, prophanare non formidat se propter hoc excommunicationis sententia a nobis, ut dictum est, auctoritate ordinaria promulgata dampnabiliter involvendo in ipsorum prioris et fratrum sepedicti ordinis grave preiudicium, iniuriam non modicam et gravamen in contemptum clavium ecclesie periculum anime sue et in scandalum plurimorum. Nos igitur predictam nostram donationem factam liberaliter priori et fratribus Wartbergensibus de dicta ecclesia sancte Marie in Vinea et missionem in corporalem possessionem eiusdem ecclesie et montis adiacentis cum omnibus iuribus et pertinentiis suis volentes, ut tenemur, defendere cum effectu, vobis et cuilibet vestrum, ita quod in hiis exequendis unus vestrum alium vel alios non exspectet, auctoritate ordinaria in virtute sancte obedientie et sub pena excommunicationis et suspensionis [b] late sententie, quam in vos in hiis scriptis et in quemlibet vestrum trium dierum monitione premissa ferimus ex nunc ut ex tunc, si presens mandatum nostrum diligenter et fideliter non fueritis exsecuti, districte precipiendo mandamus, quatinus prenominatos malefactores et eorum conplices publice et nominatim singulos et quoslibet ipsorum omnibus dominicis diebus et festivis campanis pulsatis, accensis candelis ex tunc ut ex nunc excommunicatos publice in vestris ecclesiis et capellis [c] presente populo nuntietis, quando et quotiens a predictis fratribus super hoc fueritis requisiti absque alterius mandati nostri exspectatione. Parrochiam etiam sancti Petri et olim parrochianos sancte Marie in vinea, quos ex nunc ecclesiastico supponimus interdicto, vos auctoritate eadem et sub penis prescriptis, interdictam et interdictos faciatis firmiter observari, quoadusque ipsos priorem et fratres ecclesia sancte Marie in Vinea et monte predictis cum suis iuribus et pertinentiis pro edificando inibi claustro et aliis officinis suis usibus oportunis gaudere permittant, ita quod ipse prior et fratres eandem ecclesiam et montem cum suis utilitatibus et commoditatibus apprehendant, teneant et habeant plene, libere, pacifice et quiete, nec de cetero in hiis ipsis aliquod inpedimentum per se vel per alium seu alios prestent vel prestari procurent publice vel occulte et Deo precipue, nobis ac memoratis priori et fratribus iniuriam passis et ordini ipsorum emendam decentem et honorabilem exhibeant et alias satisfaciant reverenter. Arnoldum insuper presbyterum predictum, qui contra nostram inibitionem et excommunicationem in dicta ecclesia sancte Marie ausu temerario divina celebrare, immo potius prophanare presumpsit, quem propter hoc excommunicatum et irregularem denuntiamus in hiis scriptis, denuntietis publice ecommunicatum et irregularem singulis diebus dominicis et festivis nec ipsum in quacumque ecclesia nostre dyocesis sinatis recipi aliquatenus ad divina, intimantes predictis malefactoribus, quod, si in sua malitia perstiterint, contra ipsos annuente Domino usque ad condignam satisfactionem, prout ordo iuris exigit et culpa deposcit, durius procedemus. Insuper vobis prepositis predictarum ecclesiarum predictis et cuilibet vestrum, ita quod in hiis exsequendis unus vestrum alium vel alios non exspectet, sub penis predictis damus firmiter in mandatis, quatenus omnes et singulos, quos in exsecutione presentis mandati nostri neglientes inveneritis et remissos, quos nos in hiis scriptis trium dierum monitione per vos facienda premissa, ut mandatis nostris obtemperent, si non obtemperaverint, suspendimus [d] et excommunicamus suspensos [e] et excommunicatos publice et sollempniter [in vestris] [f] ecclesiis et capellis presente populo nuntietis, quando et quotiens super hoc a predictis fratribus fueritis requisiti. Reddite litteras cum appensione sigillorum vestrorum in signum exsecutionis. Datum Paderborne anno Domini Mo CCo LXXXo VIIo pridie ydus Maii. [a] 'dyoc.' mit Punkt über dem y. So auch im gesamten Text. [b] Vorlage: 'susspencionis'. [c] Vorlage: 'cappllis' mit Kürzung. [d] Vorlage: 'susspendimus'. [e] Vorlage: 'susspensos'. [f] Textverlust durch Fraßschäden, ergänzt nach WUB. |
|||||||
Archiv | ![]() |
|||||||
Bestand | ![]() ![]() |
|||||||
Signatur | 40 | |||||||
Benutzungsort | Landesarchiv NRW Abteilung Westfalen | |||||||
Bestellsignatur | Dominikanerkloster Warburg - Urkunden, Nr. 40 | |||||||
Bemerkungen | Löchrig, z. T. Textverlust durch Fraßschäden. | |||||||
Material | Pergament | |||||||
Sprache | lateinisch | |||||||
Überlieferungsart | Ausfertigung | |||||||
Siegel | Das abhängende Siegel verloren. Siegelführer: Bischof Otto von Paderborn. | |||||||
Siegelankündigung | 1 | |||||||
Literatur | Druck: Schaten 2 S. 159 f.; WUB 4, 1940 | |||||||
WUB Bd. | 4 | |||||||
WUB Nr. | 1940 | |||||||
Projekt | ![]() |
|||||||
Systematik |
|
|||||||
Datum Aufnahme | 2010-07-15 | |||||||
Datum Änderung | 2011-01-25 | |||||||
Aufrufe gesamt | 11476 | |||||||
Aufrufe im Monat | 243 | |||||||
|
||||||||
![]() |
Zum Seitenanfang
![]() |