Regest

• Datum: 1488-07-28 (Inden jaen unses heren dusent veyrhundert achte ind achtentich op sunte Pantaleons dach martyris)
• Urheber/Aussteller: Friedrich van den Kaldenhofen
• Empfänger: Johann Wulf zu Oespel

Titel/Regest

Friedrich van den Kaldenhofen (Kolthoff), seine Frau Liese und ihr Sohn Bernd van der Leyen verkaufen Johann Wulff zu Oespel (to Tospel) zwei Malter (Dortmunder Maß) Schuldkorn jährliche Erbrente, das je zur Hälfte aus Roggen und Gerste besteht und aus dem, dass auf dem Obergut zu Oespel im Kichspiel Lütgendortmund kommt. Die Erbrente soll unbeschadet von Erbfällen, Verkäufen und Pfändungen fortbestehen. In den zwei Wochen um St. Petri ad cathedram (22.02.) kann die Erbrente gegen 24 Gulden und zehn Schillinge Dortmunder Währung zurückgekauft werden.

Zeugen: Bertolt Schulte to Marten und Rotger to Cley. Friedrich Kolthoff und Bernd van der Leyen kündigen ihre Siegel an.

Text

Ich Ffredrich Kolthoff, Lyse, myn echte huesfrouwe ind Bernt vander Leyen, der vorscreven Lysen echte son, bekenen ind tugen in ind overmyts dyses besegelden breyff vor uns ind vor alle unse erven, dat wy umm ene summen geldes, dey unß tot unsen willen an gereyden gelde overgetalt iß, hebben vorkofft ind verkopen rechtlichen ind redelichen eyns steden inde vasten erffkopes to den ewygen dagen Johann Vulff to Tospel ind synen erven off demm helder dyses breyffz myt synem willen twe malder hardes guden marcktgeven schultkorns, halff roggen ind half gersten dortmundescher mathen, ut unsen erve ind gude geheyten dat Overguyt gelegen to Tospel indem kespel to Lutkendortmunde inde ampte van Boechem, welke twe malder korns vorscreven von Ffrederich ind Lyse ind Bernt, der vorscreven Lysen son son ind unse erven, demm vorscreven Johann ind synen erven off deme helder vorscreven wal betalen sollen ind wellen ut demm vorscreven gude alle jaer ind unverjart ten ewygen dagen op sunte Mertyn des hilgen bysschops komende in den wynter in ere ffrye seker ind wysse behalt unbekummert ind unbespert van iemende. Inde off sake wer, dat wy Ffrederich ind Lyse ind Bernt vorscreven ind unse erven der vorscreven twe malder korns ut demm vorscreven gude op dey vorscreven tyt demm vorscreven Johann ind synen erven off demm helder vorscreven nicht en betalden, so sollen ind mogen sey dat vorscreven korn penden inde manen ut al unsen erven inde guden dey wy nu tor tyt hebbenn ind hyr na krygenn werden gelix men jarlix erffrente pleget to manen ind to penden ind dey pande vorkopen ut eine hant, in dey ander myt gerichte of sunder gerichte wy en best gelegen is, so lange dat sey der vorscreven twe malder korns ind alles schaden sey dar umm gedaen hebben ersten wal to freden ind vernogen synt. Alle dysse vorscreven punte love wy, Ffrederich inde Lyse ind Bernt, der vorscreven Lysen son, vor uns ind al unse erven, demm vorscreven Johann ind synen erven ind demm helder vorscreven waer, stede ind unverbrochlich by uns eren to halden sunder alle argelyst. Ock bekenn ich, Johann Wulff vorscreven, in dysen selven breyve vor my ind myne erven inde den helder dyses breyffs myt mynen willen, dat ich umm sundelinx gunst willen geve demm vorscreven Ffrederich ind Lysen ind Bernde, der vorscreven Lysen sone, ind eren erven dey genade, dat sey inde ere erven mogen sodaen twe malder korns als vorscreven wederkopen van my ind mynen erven ind demm helder vorscreven alle jar ind unverjart op sunte Peter ad cathedram, achte dage vor off na, unbefangen vor ver ind twyntich gulden, ytlichen gulden to betalen myt teyn schillingen dortmundessches paymentz als inder tyt genge ind geve ys, so ver als alle vorsetten pacht ind alle schade [a] wy des geleden hedden ersten betalt sy ind dyt sal allet syn sunder argelyst. Hyr synt over ind ane gewest dedings ind wyncops lude myt namen Bertolt Schulte to Marten, Rotger to Cley ind mer lude genoch. In eyn ffurder tuch dyses vorscreven punte ind vestinge hebbn ich, Frederich Kolthoff vorscreven, vor my ind Lyse, myn huesfrouwe ind ich Bernt, der vorscreven Lysen eliche son, unse segele an dysen breyff gehangen. Gegeven in den jaren unses heren dusent veyrhundert achte ind achtentich op sunte Pantaleone dach martyris.

[a] Ein Wort gestrichen und unleserlich.

Vermerke

Rückvermerke: Overhoffs Gute zu Tospel betreffent

mitt dem Kauff brieff des Kotten zu Marten übergeben

• Sonstige Beteiligte: Bernd van der Leyen (Siegler) / Bertolt Schulte to Warte (Zeuge) / Rotger to Cley (Zeuge) / Lyse, Frau von Friedrich van den Kaldenhofen (sonst. Beteiligter)
• Archiv: Marienborn, Kloster
• Bestand: Urkunden
• Signatur: 19
• Benutzungsort: Landesarchiv NRW Abteilung Westfalen
• Bestellsignatur: Kloster Marienborn, Lütgendortmund - Urkunden, Nr. 19
• Material: Papier
• Sprache: deutsch
• Überlieferungsart: Ausfertigung
• Zustand: Risse/Knicke; zerbrochen / Papier an alten Knickstellen eingerissen; Siegel 1 ist abgefallen von 2 nur Fragmente
• Siegel: dunkle Wachssiegel anhängend, beide abgefallen; 1 in Fragmenten lose vorhanden, 2 nur noch als Fragment am Pressel. Siegelführer: Friedrich van den Kaldenhofen. Bernd van der Leyen.
• Siegelankündigung: 2
• Siegel vorhanden: 0
• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 2.20 1450-1499
• Datum Aufnahme: 2010-07-15
• Datum Änderung: 2010-11-25