Regest

• Datum: 1493-05-02 (Dusent vierhondertdrey ind negentych des nesten donderdages na sente Philippus ind Jacobus dage der hilligen apostellen)
• Urheber/Aussteller: Hermann Hoppenbrower, Richter (Aussteller) / Friedrich van den Kaldenhoven (Urheber) / Lyse, Ehefrau v. Friedrich (Urheber) / Berndt van der Leyen (Urheber) / Hille Puttmann (Urheber)

Titel/Regest

Der Bochumer Richter Hermann Hoppenbrower beurkundet den Verkauf einer jährlichen Rente durch Friedrich van den Kaldenhoven und seine Ehefrau Lyse (Lise) sowie Bernd van der Leyen und dessen Ehefrau Hille an Lyse, Tochter des Hans van Harppen. Die Rente von zehn Scheffel Korn, halb Roggen, halb Gerste, ist zahlbar am Martinstag (11.11.) aus dem Hülshof bei Marten (Huilshoff to Marthen). Den Verkäufern wird ein jährliches Wiederkaufrecht der Rente, jeweils zum 22.02., für 25 rheinische Gulden gewährt.

Zeugen: Der geschworene Büttel Wennemar Revesche, Pfarrer Evert Freitag von Lütgendortmund, Johann ter Westen, Priester von Langendreer und Tillmann Berckhoff.

Die Siegel des Richters und der beiden männlichen Verkäufer werden angekündigt.

[1] h durchstrichen, wohl ein Vorgriff auf das ein Wort später folgende 'Hillen'.

[2] Philippi et Jacobi, 01.05.

Text

Ich, Herman Hoppenbroewer, [a] rychter to Boechem in der tydt, doe kunt, bekenne ind betuge appenbair vermytzs dessen brieve, dat vor my in eyn recht geheget sittende gerichte, dar ich stadt ind stoill des gerichtes van Boechem mit oirdell ind mit rechte becledet und besetten, had gekomen synt: Dey erberen Ffrederick van Kaldenhaeven ind Lyse, syn echte huisfroewe, Berndt van der Leyen ind Hille, syn echte huisfroewe, ind bekanten aldair vor sych ind ere erven, dat sey myt eren vorberaden vryen moitwillen enes steden, vasten, vulmechtigen erffkoips erffliken, ewencliken ind ummermer vorkofft hedn ind verkofften all dair vor my, richter ind dem vorscreven gerichte, Lysen selligen Hanss dochter van Harppen ind dem helder dyses brieffs mit oren willen vor ene beschedenne summe geldes, dey sey mede bekanten oen woll to willen verneugt ind betalt were, teyn scheppel gudes, hardden, claren schultkorns, halff rogge ind halff gerste, dortmundesscher mathen, uth erme erve ind gude geheyten dey Huilshoeff to Marthen ind syner alingen tobehoringen ind vart uth andern oren erven ind guderen, dey sey nu thor tydt hebn off namails krygende werden, welcke teyn scheppell hardes korns den vorscreven vorkopers off ore erven der vorscreven Lysen offte dem halder vurscreven iairlinx ind alle iair op sente Mertyns dagh bysschops in dem winter uthe dem vorscreven Huilshove edder uth anderen oren erven und guderen geloveden to schultrechte over ene mile weges van der stede vry, unbesaet ind unbekummert op ores selves kost, anxst ind eventure to leveren, ind woll to oren willen tbetalenn in ore vrye wisse behalt. Wert sake, dat dey vorscreven vorkopers off oer erven des nicht endeden, ind aen der talinge versumelych gefunden woirden, soe mogen dey vorscreven Lyse offte helder dey vurscreven ore jairlix korngulde unvertoget myt des gerichtz vroenen, peynden off laten peynden uth dem vorscreven erve ind gude, geheiten dey Huilshoff, edder uth andern oren erven ind guderen, wair oen dat best beliefft ind gelegen is, gelyck als men bynnen jarige erffrenthe jairlix uth to peyndenn plegt. Vart so synt die vurscreven Ffrederick, Lyse, syn echte huisfroewe, Bernt van der Leyen ind Hille, syn echte huisfroewe, vor my, rychter in dem selven gerichte, der vurscreven teyn scheppell hardes korns jairliker erffrenthen vor sey ind ore erven uthgegaen, ind hebn dar op rechte vertichtnisse, oplatinge ind overlanginge gedain mit hande ind mit munde in hande ind tho behoiff Lysen offte helders vurscreven also, dat Lyse offte helder vurscreven dar mede sollen syn beervet, ind dey vorkopers ind ore erven, vorscreven sollen ind willen dar van entervet wesen then ewigen dagen. Vart geloveden die vurscreven verkopers vor sych ind ore erven der vurscreven Lysen off dem helder vurscreven der vurscreven jairlix kornrenthen uth dem vorscreven gude ind guderen to warenn, ind rechte vullenkomende wairschop to doyne ind alle rechte bysprake aff dragen so vake, als oen des noit ind als boven ind beneden in dem lande van der Marcke gewonte ind recht is sonder argelist. Ind want dan dysse vorscreven erffkoip, vortycht ind uthganck, wo vurscreven steit, vor my, rychter in dem vurscreven syttende gerichte, gescheyn ind gedain synt, dar oirdell ind recht over gewist, vart beoirkundet ind besaet mit dem umb stande, als recht is, dar weren mede, over ind ane stantgnoten des gerichtes myt namen Wenemar Revessche, eyn gesworen froene des gerichtes, die erwerdighe her Evert Ffrydagh, pastoir to Lutkendortmunde, her Johan ther Westen, prester van Langendreer, Teilman Berckhoff ind mer guder lude genoich. So hebn ich, rychter vorscreven, duses to tuge der wairheit mynen ingesegell van gerichtes wegen ind umb bede willen beider parthyen an dyssen brieff gehangen. Ind wy, Ffrederick van Kaldenhoven, Lyse, myn echte huisfroewe, Berndt van der Leyen ind Hille, myn echte huisfroewe vorscreven, bekennen vor uns ind unse erven overmytzs dyssem selven breive, dat alle vurscreven puncte ind inhalt dyses brieffs wair sint, ind mit unsem wetten ind willen gescheyn sint, ind geloven dey in guden truwen sonder argelist war, stede, vaste ind unverbrocken to holden. Ind wy, Ffrederick ind Bernt vorscreven, hebn dyses to meren tuge der warheit vor unss ind unse erven unse ingesegell mede by des richters segell vorscreven an dyssen brieff gehangen; ind wy, Lyse ind Hille vorscreven, gebreken mede der ingesegelle unser edemans to dysser saken umb gebrocke unser egen segelle. Vart to bekennen ich, Hermann Hoppenbroewer, rychter vorscreven, in crafft dyses brieffs, dat die vurscreven Lyse, Hanss dochter van Harppen, in dem vurscreven gerichte dorch god ind gnade hefft gegunt ind gegeven enen steden wederkoip then ewigen daghen Ffredericke van Kaldenhoven, Lysen syner echter huisfroewen, Bernde van der Leyen [1] ind Hillen, syner echter huisfroewen, ind oren erven. Sodaner tyn scheppell hardes, claren schultkorns jairliker erffrenthen, sey oen erffliken aff gekoifft hefft uth erme erve ind gude geheyten die Huilshoff to Marthen, synen alingen tobehoringen ind uth oren anderen semptliken erven ind guderen gelix dysse brieff vor uth wyset, dat sey dey alle jair op sente Peter ad cathedram, achte vor, offte na unbefairt weder mogt kopen myt vyffundtwyntych overlendschen, rynschen guldenn, itliker eyn to betalenn myt teyn schillinghen dortmundesschen paymentzs an ener alingen summen in Lysen offte helders vorscreven secker, wysse, vrye behalt ind gewalt alle vorsetten renthe ind allen schaden, sey offte die helder gehad odder geleden hedn, yrsten deger ind alinck oen woll betalt ind verneugt tot oren willen ind dyt altzamen sonder argelist. Gegeven in den jaren onß herren dusent vierhondertdrey ind negentych des nesten donderdages na sente Philippus ind Jacobus dage der hilligen apostellen. [2]

[a] Der Schreiber verwendet häufig übergeschriebene e, vor allem über Vokalen. Diese e sind in der Transkription unkommentiert nach dem entsprechenden Mittelbandbuchstaben eingefügt worden. Die Schreibung von ij und y wurde möglichst nah am Original gehalten.

Vermerke

Rückvermerke: Tien scep[el] korns Bernt van der Leyen Lysen va(n) Harpe(n) [15. Jh.]

[...] der brieff des [... ] zu Marten [17.-18. Jh.]

• Sonstige Beteiligte: Wennemar Revesche, Mitrichter (sonst. Beteiligter) / Evert Freitag, Pastor (sonst. Beteiligter) / Johann ter Westen, Pastor (sonst. Beteiligter) / Tillmann Beickhoff (sonst. Beteiligter) / Hans van Harppen (sonst. Beteiligter)
• Archiv: Marienborn, Kloster
• Bestand: Urkunden
• Signatur: 25
• Benutzungsort: Landesarchiv NRW Abteilung Westfalen
• Bestellsignatur: Kloster Marienborn, Lütgendortmund - Urkunden, Nr. 25
• Material: Pergament
• Sprache: deutsch
• Überlieferungsart: Ausfertigung
• Zustand: innere Wachsschäden / Siegel (1) und (2) sind restaurierungsbedürftig, aber nicht so stark gefährdet, dass die Urkunde gesperrt werden müsste.
• Siegel: Runde, anhängende, dunkelgrüne Wachssiegel; bei (1) und (2) Wachsschäden, (3) intakt. (1) Hoppenbrowers: Wappenschild mit einer noch erkennbaren Adlerklaue, das Bein abgebrochen (vgl. Illgen 189/25). (2) Kaldenhoven: zwei Vogelschwingen. (3) van der Leyen: Kettenglieder vergleichbar zu Illgen 213/12 und 213/19, Umschrift: BERNH' VAN DER LEYE. Siegelführer: Hermann Hoppenbrower. Friedrich van Kaldenhoven. Bernd van der Leyen.
• Siegelankündigung: 3
• Siegel vorhanden: 3
• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 2.20 1450-1499
• Datum Aufnahme: 2010-07-15
• Datum Änderung: 2011-02-07