Regest |
||||||||
---|---|---|---|---|---|---|---|---|
Datum |
1517-05-26 ![]() ![]() |
Datum Bestand: ![]() ![]() |
||||||
Titel/Regest | Vergabe der Höfe zu Rhynern und Illingen. Hörigkeit der Else Slummer, Mutter der Else Gerwin. | |||||||
Text |
Ich Bertram Meyberch, [...] Johans, aldesten sonne to Cleve, hertug to Gulyke, to deme Berge, greve to der Marcke, to Ravensborch ind to Catzenellenbogen, myns genedigen leven heren und der staet Soest wertlike richter, do kunt [...], dat [...] vor my [...] in eyn geheget noet huess gerichte, dat dar sunderlix to geheget wart, in des schulten huss to der Kottenmollen gekomen un(de) erschen[nen]1 is Godeke Ashoff van vormunderschop wegen der erberen ind geistlyken junfferen ind gansen conventes des klosters to Welver und hadde all dar vor my mit r(e)chte to gerichte gebracht dusse nabeschrevenen vro(m)men lude aß myt namen Peter Schryke, den groten Gerde und Katherinen Slu(m)mers ind dede se all dar v(er)mitt(es)2 synem gewunnen vorspreken richtlyken ansprecken, dat se wall deden umme got un(de) dorch des r(e)chten wyllen, ind sechten dar van de warheyt, wes enn dar van witlich ind kundich we(re) ind sy van Elseken Gerwyns moder, Else Slu(m)mers genant, wu dat we(re) ind sy geko(m)men uyt dem(e) hove to Ryneren under de van Welver. Wante se do dem(e) vors(creven) Godeken in dem(e) rechten geyn(e) antworde weygeren en mochten uter dwanck ind geboden des gericht(es) 2 ind r(e)chten gehorsam wesen mosten, dar antworden dusse vorß(creven) vro(m)men lude do weder to ind sachten v(er)mitt(es)2 erem gewu(n)nen vorspreken, dat de vors(reven) Else Slu(m)mers der vors(creven) Elsen Gerwyns moder dat we(re) ind sy, gewesselt uyt dem(e) hove to Ryner under de van Welver by Johan Schurkemans tijden myt syne(m) wyllen, ind we(re) to der tijt eyn rentemest(er) to dem(e) Hamme ind hedde darop entffangen eyne(n) winckoep van Hinrich Slu(m)mer myt name(n) teyn gulden. Dat sy dussen vors(creven) vro(m)men luden erer eyme itlyken by sunders, so in der r(e)chten warheit wall wytlich ind kundich, ind sworen, dat ock vort all dar myt eren op gelachten lyfflyken vingeren und uyt gestreckeden armen r(e)chter gestaveder eede to gode ind ov(er) de hilligen, dat dat so war sy gelickerwys ind in aller maten, aß hijr vorg(escreven) steyt. Des eschede ind bat my do de vors(creven) Godeke Ashoff, u(m)me eynen waren schyn e(m)me to geven to behoiff der van Welv(er) syn(er) junffere(n). Dar ich richt(er) obg(e)n(an)t myn orkunde van e(m)me op entffenck ind hebbe des vort tot3 eyner warheyt myn inges(egel) van gerichtes wegen ind u(m)me eschinge ind bede wyllen des vors(reven) Godeken an dussen breff gehangen. Dar over und ane waren Jurgen Koster, Diderich Hynne ind Patroclus Voet, gesworne standenot(en) des gericht(es)2. Gegeven in dem(e) jare unses heren dusent vyff hundert ind seventeynne op Dinschedach4 na dem(e) Sundage Exaudi. Siegel: ab 1 erschen- am Zeilenende mit Trennungsstrich. -2 Vorlage: 2 Schäfte (etwa -n) und Kürzungszeichen. - 3Lesung? Holländ. tot? Evtl. wt aus? - 4 Vorlage (Zeilensprung): dinsche-schedach. |
|||||||
Archiv | ![]() |
|||||||
Bestand | ![]() ![]() |
|||||||
Signatur | 502 | |||||||
Benutzungsort | Landesarchiv NRW Abteilung Westfalen | |||||||
Bestellsignatur | Kloster Welver - Urkunden, Nr. 502 | |||||||
Bemerkungen | Vergl. Urk. Nr. 502a (1643 Juli 2) | |||||||
Siegel | Siegel ab | |||||||
Projekt | ![]() |
|||||||
Systematik |
|
|||||||
Datum Aufnahme | 2010-07-16 | |||||||
Aufrufe gesamt | 962 | |||||||
Aufrufe im Monat | 24 | |||||||
|
||||||||
![]() |
Zum Seitenanfang
![]() |