| Text |
Ich Hynrich Sluter, wertliche richter zu Sost, [...] bekenne ( ), dat vor my in gerichte darsulvest vor die Vier Bencke gekommen [...] ist Johan Kleyne als Prokurator des Klosters Welver und hadde von wegen derselbigen aldar vor my mit rechte to gerichte gebracht die bescheden und fromen Elßken Molners to Reckelinckhusen und Alverth Tiggeß to Klotingen und dede dieselbigen frowespersonen overmitz einem gewunnen vorspreken gerichtlichen ansprecken, dat se wol deden [...] und sechten de warheit, weß enne witlig und kundich sy von Cyriacus up der Klotinger warde sinen beiden susteren, der eine Engele und die ander Gerdruth genant, off nicht die von Welver in vergangen tiden die beiden gesustere geerffdeilet hebben na egendombs rechte. dar dan Cyriacus up der Klotinger wharde by verwittiget was, al recht ist und dede aldar overmitz sinem gewunnen vorspreken gerichtlichen darin seggen: Off die beiden obgenanten, sine twee sustere, sick den von Welver umme der guder willen egen gegeven hebben, dar lathe he in siner gestalt. Who aber die froweslude nicht seggen werden, dat de von Welver sine grotemoder und annekemoder geerffdelet hebben na egendombs rechte und up den ankumpst des egendombs, ßo hopet he und meynet, dat seggen solle ihm nicht schedtlig sin. Antwort der beiden Frauen dorch dwanck des rechten overmitz erem gewunnen vorspreken [...], idt sy war, deß [...] Cyriacus [...] beiden sustere, nemlich Engele, deyselbe hebbe etwan up der von Oelinckhußen gude gewondt to Flercke, darselbst sy sey verstorven, und die ander suster, Gerdruth genant, sy to Dincker verstorven und up der von Welver gude gewonth, und de von Welver hebben die beiden sustere [...] na egendombs rechte vor ere egen tobehorigen lude geerfdeilet [...]. Beeidigung. Bitte des Prokurators um eine Urkunde (schin). Dar ick richter [...] min orkunde von ehm, ßo recht ist, up entfenck und hebbe [...] min ingesegel von gerichtzwegen und up eschunge und bede willen [...] an dussen breff gehangen. Dar over und ane waren Jorgen Paschedag, Steffen Nolte und Johan Salthamer, geschwaren standtgenoten des gerichtz . Datum anno 1554 ahm Fridage negest nach Urbani Pape. |
Suche DWUD 
früher
|
später
Welver, Kloster 
zurück
