| Text |
Ich Hynrich Sluter, wertliche richter zu Sost, [...] bekenne ( ), dat vor my in gerichte darsulvest vor die Vier Bencke gekommen [...] ist Johan Kleyne als Prokurator des Klosters Welver und hadde von wegen derselbigen aldar vor my mit rechte to gerichte gebracht die boscheden und fromen Johan, schulten to Flercke, Hinrich, schulten to Welver, den olden Johan am Lobusche und Deyeken, de megerschen to Klotingen und dede dieselbigen fromen lude aldar overmitz sinem gewunnen vorspreken gerichtlichen ansprecken, dat se wol deden [...] und sechten de warheit, weß enne witlig und kundich sy von Cyriacus up der Klotinger warde siner moder, Khunne von der Heyde g(e)n(an)t. Off nicht deselve [...] dem closter Welver egen tobehorig geweßen sy und alß sey nach dem willen des allmechtigen verstorven, off do oick nicht die von Welver er nalathen gudt na egendombs rechte geerffdelet hebben und datselve na Welver foren laten, und er sonne Bain, schulte to Klotingen, des vurs Cyriacus broder selliger, derselbige sy siner moder gude gefolget biß gen Welver und hebbe dem conventhe to der tidt datselve siner moder gudt wedderumb affgekofft, welchs de von Welver ßo in mathen wie vurs na egendombs rechte geerffdelet hedden, und war einem itlichen von en dar widers von bewust sy. Antwort des Cyriacus durch seinen Vorsprech: De tuchnus lathe he in siner gestalt. Dan alß die von Welver syner selligen moder gudt na Welver hebben foren laten, do hadde hey datselve gudt in boschlage gehat, uthe welckeren boschlegen sey dat gudt hedden foren laten mit gewalt und nicht mit rechte, dat he to gelegenner tidt wol wisen wolle, dan er[!] sy to der tidt ungeferlich ein ader thwe und thwintich wecken kranck gewesen. Mitlertydt hebben se dat gudt von dar genommen. Oick hebbe die vurs [...] megersche to Klotingen in dem nestgeholden erffhuse to Klotingen personlich bekant und gesagt,wo dat he und alle sine sustere und brodere echte recht und fry sin. So dan die fro(m)men lude nicht seggen werden, dat dey von Welver sine grotemoder und annekemoder na egendombs rechte geerffdelet hebben ader up den ankumpst des egendombs mit siner moder, so hapet he und meint, dat seggen sol ehm nicht schedtlich syn. Danach antworden die vors frommen lude dorch dwanck des rechten overmitz erem gewunnen vorspreken dar wedder to und sagten, enne sy [...] witlich [...], alß die vorbenompte Khunne von der Heyde, der vurs Cyriacus moder selliger, [...] verstorven sy, do hätten die von Welver sie geerbteilt und das Gut nach Welver führen lassen, das der Sohn Bain, schulte to Klotingen, Bruder des Cyriacus, dort zurückgekauft habe. Und Deyeke, megersche to Klotingen, sagte bisunders, alß sey in vorgangen tiden den obgemelten Bain, schulten to Klotingen (deß vurs Cyriacus broder selliger) tho der hilligen ehe hebben ßolde, so hedden die von Welver sey, Deyeken, gewesselt von dem closter Kentorpe und er denselbigen Bain [...] tho der ehe gegeven vor eren vulschuldigen egen tobehorigen man. Bestätigung durch die anderen, Beeidung. Bitte des Prokurators um Ausstellung einer Urkunde darüber. Empfang der Urkunde des Prokurators durch den Richter.
Siegelankündigung. - Zeugen: Jorgen Paschedagh, Steffen Nolte und Johan Salthamer, geschwaren standtgenoten des gerichtz. - Datum anno vyffteinhundert vier und vifftich ahm Fridage negest nach Urbani pape. |
Suche DWUD 
früher
|
später
Welver, Kloster 
zurück
