| Text |
Ich, Hinrich Sluter, wertliche richter tho Soist, do khundt in und overmitz duss(en) apen breve, dat vor my in gerichte darsulvest vor die Vier Bencke kommen und erschennen ist Elsa Kolpes und dede overmitz irem gewunnen vorsprechen gerichtlich bekennen, wat gestalt se up Berndes kotten tho Klotingen jegen deren von Welver willen eyn tidtlanck gewonth und tho lest overmitz verwilligungh des conventz Welver sick up ermelten kotten ahn Johan Heinemans (denen von Welver eigen thobehorigen man und gotzlehen) ehelich bestadet. Und damet se nhun up demselbigen kotten mochte verbliven, demnach hat sei umb eres egen nutz und profytes willen, oick overmitz verwilligungh Johan Heinemans, oeres ehemans, und Annen Kolpes, oerer1 suster thom Paradyße sich met lyve und gude unbedrungen friwilliglichen dem Gottes huß und conventh tho Welver [...] gerichtlichen vulschuldich eigen gegeven [...]. - Formalien. - Des bath und eschede my der ersamer Thonis Whemar, burger tho Soist, vulmechtiger anwaldt und vormunder deren von Welver (thobehoff desselbigen conventz) umb einen waren schyn, ehm des tho geven. Dar ich, richter [...], myn orkhunde von ehm, so recht ist, up enpfenck, und hebb des varth in getuchnuß der warheit myn ingesegell von gerichtz wegen und umb eschungh und bede willen [...] ahn dessen breff gehangen. Dar over und ahn waren Alberth von der Horst, Diderich Koster und Jasper Koip, geschworen standtgenoten des gerichtz. Datum anno Domini dusenth vunffhunderth vunff und seventich ahm Dinstagh, den thwelfften dagh itziger monath Julij.
1 Schluß-er über der Zeile nachgetragen |
Suche DWUD 
früher
|
später
Welver, Kloster 
zurück
