| Titel/Regest |
Die Brüder Ludolf, Raven, Godscalk und Conrad von Elmeringhusen nehmen eine Teilung und Mutschierung ihres väterlichen Erbes vor. Godscalk erhält die Hälfte der Mühle in Paderborn, den Hof zu Dedinghausen (Dedinghusen) mit allem zugehörigen Gut in und außerhalb des Dorfes, wie er das besitzt, den Hof zu Schlangen (Ostlangen) mit allen zugehörigen Gütern in und außerhalb des Dorfes, den er bereits in Besitz hat, welchen derzeit Hinrich Ortwins bebaut, den Hof zu Westlangen genannt de Kurenhof mit allem Zubehör in und außerhalb des Dorfes, den er auch bereits in Besitz hat, den Hof zu Lippspringe und das Gut zu Ymminghusen (bei Dörenhagen). Weiter erhält er die folgenden Leute: Henken Ortwins mit seinen künftigen Nachkommen, Beneken genannt Bosseken, Conrad des guden Hemeken, dessen Frau und ihre Kinder, Nolthen Grabok, dessen Frau und ihre Kinder, weiter Spolsakes Kinder und Haseke Olyken und ihre Kinder, Hermans Frau Johans, ihre Tochter Else und deren Kinder und die alten Kuringeschen. Godscalk wird in den Besitz dieser Güter und Leute gesetzt. Sollte Godscalk ohne Leibeserben sterben, so fällt dieser Besitz an die anderen Brüder und deren Erben zurück. Hinterläßt Godscalk eine Witwe, soll diese ihre Leibzucht an dem Gut genießen bzw. ihr eine Leibzucht ausgesetzt werden. Sollte Godscalk Töchter hinterlassen, sollen diese gebührend ausgestattet werden, bevor die Brüder den Nachlaß an sich nehmen. Sollte Godscalk neben diesen genannten Gütern und Leuten Gut dazu gekauft oder pfandweise erworben haben, so ist ihm dieses allein vorbehalten und gehört nicht in diese Mutschierung. Godscalk gehört alles Gut zu Ymminghusen bis auf zwei Güter, die Raven gehören. Godscalk und seine Erben dürfen die genannten Güter verkaufen und verpfänden, doch steht seinen Brüdern und deren Erben das Vorkaufsrecht zu. Ludolf, Raven und Conrad sowie Bertold und Ludowich, Ludolves Söhne, versprechen die Einhaltung aller Vertragspunkte. Ludolf, Raven und Conrad sowie Ludowich, Ludolves Sohn, siegeln. |
| Text |
Wy Ludolf, Raven, Godscalk unde Conrad brodere von Elmeringhusen bekennet unde betuget in dissem openen breve, dat wy umme beste unser unde unser erven mid guder vorsate na rade unser frund sint endrechtich gheworden unde hebbet overdregen ener delinge unde ener modscarunge al unses vederliken erves, gudes unde lude in aller wise, also hir na bescreven steit, dat Godscalk vorgenant tho sime dele nemet unde beheldet den halften del unser molen binner Paderborn mid aller slachtenut des selven halften deles, den hof tho Dedinghusen mid allen guden, de dar tho horet binnen unde buten deme dorpe, also he rede de in weren hevet, den hof tho Ostlangen mid allen guden binnen unde buten deme dorpe, de dar in horet, de he och in weren hevet, den nu buwet Hinrich Ortwins, den hof tho Westlangen gheheten de Kurenhof mid allen thobehoringen binnen unde buten deme dorpe, den he och rede in were hevet, den hof tho Lippespringe mid allen thobehoringen unde dat gud tho Ymminghusen. Disse vorscrevenen gud beheldet Godscalk mid alleme rechte unde thobehorunge binnen unde buten den dorpe, in holte, in ackere, in watere, in weyde unde in velde, war unde wo dat ghelegen si. Vortmer beheldet he disse lude Henken Ortwins unde wat van eme komen mach, Beneken gheheten Vosseken, Conrade des guden Henneken, sine husvrowen unde yre kindere, Nolthen Grabok, sine husvrowen unde yre kindere, vortmer Spolsackes kindere unde Haseken Olyken mid yren kinderen, Hermans vrowen Johans, Elsen yre dochter unde yre kindere unde de alden Kuringeschen. Alle disse vorscrevenen gud unde lude beheldet Godscalk vorgenant vor sinen del ruweliken unde mid frede ane hinder unde wedersprake unser unde unser erven. Were aver, dat Godscalk af ginge ane erven von sime live gheboren, so komed de gud unde lude weder an uns unde an unse erven ledich unde los. Were aver syn elike vrowe, efte he ene achter lete, mid den guden unde luden beliftuchtet, de solde yrer liftucht ghebruken ane unsen hinder, en were se dar mede nicht beliftuchtet, so solden wy und unse erven yr ene tytlike liftucht maken von deme gude na der frunde rade. Lete he dochtere achter, de solde men beraden yrme ghelyken an gude unde an bord na tytliken dingen unde na der frunde rad, er wy uns des gudes unde lude underwunden. Hedde och Godscalk wat gudes tho ghekoft odir gheweddet boven disse vorscrevenen gud unde lude, de beheldet he sunderlikes unde dat er roret nicht an disse modscarunge. Vortmer beheldet he alle de gud tho Ymminghusen, also vorscreven steit, ane twe gud aldar selves, de Ravene horet, also he de in weren hevet. Alle disse vorscrevenen gud unde lude, de Godscalk beheldet vor sinen del, mogen he unde sine erven ane eschinge unses odir unser erven willen odir vulbordes vorkopen odir vorsetten tho yrer behof, wolden aver unser odir unser erven welich also vele don odir gheven vor de gud also en ander, de solden deme gude nest sin sunder argelist. Alle disse vorscrevene dingh love wy Ludolf, Raven unde Conrad, brodere vorgenant, Bertold unde Ludowich, Ludolves sone, vor uns unde vor unse rechten erven Godscalke unde sinen rechten erven stede unde vaste tho haldene sunder argelist in guden truwen mid samderhand unde hebbet des tho tughe wy Ludolf, Raven unde Conrad, brodere vorgenant, unde ich Ludowich, Ludolves sone, unse ingesegele vor uns unde vor unse rechten erven an dissen bref ghehangen. Unde ich Bertold, Ludolves sone, bruke mines vader ingesegel, wente ich nen egen ingesegel en hadde. Datum anno Domini M° CCC° LXmo quarto die beati Petri ad cathedram. |
Suche DWUD 
früher
|
später
Abbenburg 
zurück
