| Titel/Regest |
Der Knappe Ludolff van Herse verkauft seinem Bruder Herman van Herse für bezahlte 150 rheinische Gulden seinen Anteil der Burg zu Driburg mit allem Zubehör, Burglehen und Pfandrecht, wie sie dieses bisher gemeinsam besessen haben, sowie das Burglehen, das ihnen Bischof und Kapitel zu Paderborn nach dem Anfall von den Somerkalf zu Lehen geben wollen. Der Aussteller leistet Verzicht, verspricht Währschaft und siegelt. Mit ihm siegeln auf seine Bitte sein Ohm Herr Volmar van Brenken, Dompropst zu Paderborn, und die Knappen Frederik van Vlechten und Engelbert van Plettenbracht. |
| Text |
Ich Ludolff van Herse, knape, bekenne unde betuge openbare in dussem breve vor mech unde alle myne rechten erven, dat ich hebbe vorkofft unde vorkope in dussem breve Hermanne van Herse, mynem broder, unde synen rechten erven mynen deil der borgh to Driborgh myt allen eren tobehoringen unde slachtenut, borchlene unde weddeschat, als wy dat went hertho semptliken gehat hebbet, unde dat borchlen, dat uns unse here to Paderborn und dat capitel dar selves noch lenen solen, dat ene vorlediget wert van den Somerkalven, vor anderhalffe hundert Rinsche guldene gud van golde unde swar genoch van gewichte, de he my degher unde al wal to willen betalet hevet, unde vortyge der borgh, borchlene, weddeschattes myt al eren tobehoringen vorgescreven in holte, in velde, in torve unde in twygen, war de gelegen synt, erffliken unde eweliken, also dat ich eder myne erven dar an neynigerleye recht noch ansprake mer hebben eder don ensolen noch enwillet. Unde hebbe ene unde syne erven ghesat unde sette se in dussen selven breve in vullenkomen besittende, hebbene were de borgh, borchlene unde weddeschattes vorgescreven. Unde ich unde myne erven solet unde willet ene unde syne erven der vorgescreven borchlene myt eren tobehoringen gude rechte warscap don, wanner, wor unde wo dicke ene des nod is sunder argelist, unde lave ene dat vor mich unde myne erven an guden truwen stede unde vast to holdene alle argelist unde nye wunde utgesproken unde utgeseget. Des to tughe unde vestenunge so hebbe ich Ludolff vor mich unde alle myne rechten erven myn ingesegel an dussen breff gehangen. Tho merer zekerheid so hebbe ich gebeden den ersamen heren Hern Volmar van Brenken, domprovest to Paderborn, mynen oem, unde de strengen knapen Frederike van Vlechten unde Engelberte van Plettenbracht, dat se dussen breff myt my als degedinges lude to kuntscap besegelt hebbet. Unde wy Volmar, Frederich unde Engelbracht vorgescreven bekennet, dat alle dusse vorgescreven dingh war synt,unde des degedinges lude ghewesen synt unde hebbet des to kuntscap unse ingesegel alse degedinges lude umme bede willen Ludolves van Herse vorgescreven an dussen breff gehangen. Datum anno Domini MCCCXC quarto in die Maynulphi. |
Suche DWUD 
früher
|
später
Abbenburg 
zurück
