| Titel/Regest |
Die Brüder Bertold und Reyneke van der Lyppe, Knappen, verkaufen mit Zustimmung des Herrn Wylbrand, Abt des Stifts Corvey, als Lehnsherren des nachbenanten Gutes für bezahlte 11 Mark Warburger Pfennige ihre Güter zu Hembsen (Hemenhusen) und Hainhausen (Heynhusen) an Henne van Hemedessen, Johan Mulner dem Jüngeren, Bürgern zu Brakel, Waldrade, Ylse, ihren Frauen. Die Verkäufer versprechen Währschaft und vereinbaren die Ablösung der Güter für sich, ihre Erben und die Käufer jährlich nach vorheriger Kündigung zwischen Michaelis und Mittwinter zwischen Mittwinter und Lichtmeß Marien. Die Rückzahlung der 11 Mark hat dann in einer Summe in Brakel zu erfolgen. Mit den Brüdern van der Lyppe siegelt an erster Stelle der Abt von Corvey. |
| Text |
Wy Bertold unde Reyneke, brodere geheten van der Lyppe, knapen, bekennet openbare in dussem breve unde betuget, dat wy eyndrechtliken unde zemptlyken myt vulborde unsir erven unde dez erwerdygen in Gode fatir ( !) unde heren hern Wylbrandes, abbetes dez stichtez to Corveye, unses gnedygen heren, leynheren unses godez na ghescreven, hebbet vorkoft rechtes kopez unde vorkopet in unde myt dussem breve unse gode gelegen to Hemenhusen unde to Heynhusen vor elven mark Wartbergescher pennynge, alze nu tor tid dar zulves ginghe unde gheve zint, de uns to wyllen betalet zint, den bescheden luden Hennen van Hemedessen, Johanne Mulnere deme jungeren, borgeren to Brakele, Waldrade, Ylsen, oren eliken vrowen, unde oren erven unde settet de yrgescreven kopere in de fullenkomen rowelyken were der yrgescreven gode myt allen oren tobehorungen, wor de gelegen zint in holte, in velde, in akkere, in weyse eder in weyde, gefruchtiget eder ungefruchtiget, unde wyllet on der zulven gode rechte vullenkomen warscap don, wor, wanne, wo dycke on dez nod ys unde se dat van uns eyschet, myt dussem underschede, wanner wy eder unse erven unse gode irgescreven wederkopen wyllet eder der ergescreven kopere van uns den wederkop wyllet hebben, dat mach u°r eyn deme anderen alle jar twysschen sunte Michahelis dage unde der hochtid geheten myddewyntere kuntliken vorzeghen, danne altohand twysschen den neysten hochtiden geheten myddewyntere unde unsir vrowen dage to lechtmysse na der vorkundynge allerneyst volgende, so wyl wy Bertold unde Reyneke vorgescreven eder unse erven scollet den yrgescreven kopers eder eren erven ok yngescreven ore elven mark der yrgescreven werunghe to eynem male wedergheven unde betalen bynnen der stad to Brakele ane argelist unde gheverde. Alle dusse stucke enboven gescreven love wy Bertold unde Reyneke, brodere vorgescreven, vor uns unde unse erven in goden truwen steyde unde vast to holdende ane argelist unde hebbet des to tuge unsir beyder ingesegele vor uns unde unse erven gehangen an dussen bref. Unde vorder to merer zekercheyt so hebbe wy gebeden den erwerdigen in Gode fatir unde heren hern Wylbrande, abbete dez yrnompten stichtez, unsen leven ghedighen heren, leynheren unses godez yrgescreven, dat he to dusseme vorkope enboven gescreven zinen wyllen unde vulbord ghegheven hevet. Unde wy Wylbrand van Godez genaden abbed dez stichtes to Corveye ergescreven, wente wy eyn recht leynhere zint der gode enboven gescreven, bekennet, dat wy unse vulbord genslyken ghegheven hebbet to deme vorkope yrnompt in aller wys enboven ghescreven umme bede wyllen Bertoldes unde Reyneken vorgescreven unde hebbet dez in eyn tuchnisse unse ingesegel vor uns unde unse nakomen to vorn laten gehangen an dussen bref. Datum dominica proxima ante Martini episcopi et confessoris anno Domini millesimo trecentesimo nonagesimo nono. |
Suche DWUD 
früher
|
später
Abbenburg 
zurück
