| Titel/Regest |
Der Knappe Herman van Bracle, sein Sohn Werner und Hermans Frau Ermegartverkaufen unter Hermans Siegel ihren Hof zu Heldersen und ihren Hof zu Baddenhusen unter der Hinnenburg mit allem Zubebör dem höfischen Knecht Werner genannt van Modekessen für neun Mark lötigen Silbers und setzen den Käufer in den Besitz der Höfe. Die Verkäufer versprechen Währschaft bei etwaigen Erbansprüchen und behalten sich den Rückkauf der Höfe jährlich zwischen Weihnachten und Lichtmeß für neun Mark Silber vor. Sollte der Käufer wegen etwaiger Erbansprüche zu Schaden kommen, verpflichten sich die Knappen Henrich van Mengersen, Conrad van Modekessen und Henrich van dem Coven unter ihren Siegeln binnen vierzehn Tagen nach der Mahnung in Brakel so lange Einlager zu halten, bis der Schaden behoben ist. Die Brüder Albrecht und Werner van Bracle, Ritter, stimmen dem Verkauf durch ihren Bruder Herman zu und siegeln. Sollte ein Bürge sterben, wollen Herman und sein Sohn Werner sowie die genannten Bürgen binnen eines Monats einen anderen als Ersatz stellen oder in Brakel Einlager halten. |
| Text |
Ich Herman van Bracle, knape, bekenne openbare in dusseme breve, de bezegilet is mid mime ingezegile, dat ich und min sone Werner, Ermegart, min echte vroywe, und al unze rechten erven hebbet vercoyft enen rechten cop und vercopet an dusser scrift unzen hof to Heldersen und unzen hof to Baddenhusen under der Hindeneburgh mid alme rechte dusser gud in dorpen, in velde, in wezen, in weyden, in holte, in watere und mid aller slachtenut und tobehorunge, wor de legen is, deme hovesschen knechte Wernere geheten van Modekessen und al zinen rechten erven vor negen mark lodiges sulveres und zettet ze van staden an in de vullencomenen were al dusser vorbenompten gud und willet der ore rechte warend wezen vor anspracke rechter ervetal wegene to hove und to dage, wor und wanne en des nod is und ze dat esschet. Doch zo hebbe wi dusse gnade van en beholden, dat wi mogen al dusse vorbenompten gud wedercopen aller iar twisschen Winachten und Lechtmisszen vor negen mark lodiges sulveres vorgescreven, wan uns dat evenz und nutte is. Och zo is dar mede gededinget, dat, wi dussen bref hevet mid kuntscap, dat de scal dusses gudes bruken und dat geld vorbenompt dar inne hebben to alme rechte, alzo Werner van Modekessen und syne erven dar inne hebbet in allen stucken hir in dusseme breve bescreven. Alle dusse dinge love ich Herman van Bracle vor mi und vor mine vroywen und rechten erven Wernere van Modekessen, synen erven und deme, de dussen bref hevet mid kuntscap an guden truwen stede und vast to holdende. Und wi Henrich van Meyngersen, Conrad van Modekessen und Henrich van dem Coven, knapen, bekennet under unzen ingezegilen, dat wi hebbet gelovet und lovet an truwen mid zamederhant an dusser scrift Wernere van Modekessen, synen rechten erven und deme, de dussen bref mid kuntscap hevet, alzo dane wis, were, dat en an dussen gude van ansprake rechter ervetal wegene hinder eder broke scude,,wo dat to queme, dar na binnen verteynnachten neyst, wan wi dar umme manet weren, scolde wi incomen to Brakele und lesten dar na borgenrechte und dar nicht ut to benachtende, dat hinder en zi bi gedan und de broke ervullet deger und altomale. Und wi her Albrecht und her Werner, brodere geheten van Bracle, riddere, bekennet under unsen ingezegilen, dat dusse vorbenompte cop der vorgescrevene gud is gedan van unseme brodere Hermanne mid unseme und al unzer erven vulbord und gudeme willen. Und wi Herman van Bracle, Henrich van Meyngersen, Conrad van Modekessen und Henrich van dem Coven, knapen, vorbenompt bekennet, dat wi och hebbet gelovet und lovet an truwen mid zameder hant Wernere van Modekessen, synen rechten erven und deme, de dussen bref hevet mid kuntscap, were dat unser borgen ihenich afginge van dode, dat wi wolden enen alzo guden in des stede weder zetten binnen dem neysten mande, wan dat w(or)de van uns geesschet eder to Bracle incomen und lesten, alzo vor is gescreven alzo lange, went dat gescud. Datum Nycolai anno Domini M°CCC°LII°. |
Suche DWUD 
früher
|
später
Abbenburg 
zurück
