| Text |
Ich, Johan van Kellinchusen, knape, bekenne openbare in dussen breve vor mych und vor al myne rechte erven, dat ich vruntlichen und rechtlichen gescheden byn myt hern Ffredriche van Brenken, rittere, myme oeme, umme alle ansprake, de ich an ene to sprekende hebbe van wegene Volmars van Brenken zynes broders zeligen und vort umme anders alle ansprake, de ich to eme hebbe, winte an dusse jegenwordige tyd datum dusses breves, und late ere und zyne erven des quyt, ledich und loes. Vortmer umme de ansprake, de ich hadde gedan an eynen hoff to Overen Tudorpe gelegen, des byn ich wol berichtet, dat ich neyn recht an dem zelven hoffe en hebbe myt zyner tobehoringhe, und utgha und vertyge genslichen und teghere alles rechten und aller ansprake an den vurscreven hoffe myt zyner tobehoringhe. Ok love ich, Johan vurscreven, hern Ffrederich van Brenken vurgnt. Und zynen rechten erven, alzo wert dat myn broder effte myn suster myt jeynyghen rechter ansprake hern Ffrederiche effte zyne rechten erven vurgnt. anspreken alz van wegene unses vader zeligen, de ansprake zolde ich, Johan vorgnt., und myne erven hern Ffrederiche und zynen rechten erven vurgnt. affleygen unvertoget zunder argelist und nygevunde. Und disses to tuge hebbe ich Johan van Kellinchusen myn ingesegel vor mych und vor alle myne rechte erven an dussen breff gehanghen. Datum anno domini MCCCCtertio circa festum Pasche etc. etc. etc. - (geringer Sgl.-Rest) |
Suche DWUD 
früher
|
später
Erpernburg 
zurück
