|
Regest |
Datum |
1326-05-25 Suche DWUD Suche Portal |
Datum Bestand:
später
|
(veyrteynnaygth na Pinkesten)
|
Titel/Regest |
Die Brüder Coyrt, Ecbraygt und Ludolf, Söhne des Ritters Gerhard Spegel van deme Desenberge, versprechen ihren Verwandten: dem Edelherrn Coyrd van Sconenberg, ihrem Onkel, dem Ritter Wernher van Brakele, ihrem Schwager, den Knappen Coyrd van Sconenberg, Raven van Papenheym, Otto van Valkenbergh, Johann Jude, ihren Neffen, und Arnold Portenhagen, ihrem Schwager, daß derjenige von ihnen, der seinen Anteil an der Burg Desenberg verkaufen oder verpfänden will, diesen nur einem anderen Bruder und für nicht mehr als 50 lötige Mark abtreten soll. Sollten die drei Brüder gemeinschaftlich die Burg verkaufen, können sie dies zu jedem beliebigen Preis tun. Die Brüder versprechen, keinen Herrn oder Mann aus Übermut oder Eigenmächtigkeit von der Burg aus zu berauben oder mit Brand zu verfolgen, es sei denn, die anderen wurden gefragt und sie tun es zusammen. Demjenigen, dem eine Eigenmächtigkeit oder ein Unrecht wiederfährt, darf dies allein von der Burg abwehren und rächen, wenn es nicht alle drei tun. Jeder von ihnen darf so viele Verwandte und Magen auf die Burg lassen, wie er es für notwendig hält. Damit werden ihre Eide nicht gebrochen. Die drei Brüder siegeln. |
Text |
Wi brodere Coyrt, Ecbraygt unde Ludolf, sone her Gerhardes Spegeles des ridderes van deme Desenberge, bekennet unde betuget dat openberliken an desseme breve, dat wi hebbet gelovet un truwen unde an de heligen gesworen usen leven wrunden unde magen, heren Coyrde van Sconenberg, deme edelen manne, useme oyme, heren Wernhere van Brakele, deme riddere, useme swagere, Coyrde van Sconenberg, Ravene van Papenheym, Otten van Valkenbergh, Johanne Jude, den kneycten unde usen neven, unde Arnolde Portenhagen, useme swagere: weret dat user welic wolde sinen deyl des huses tho deme Desenberge vorcopen efte vorsetten, dat ne maygh he nemande doyn dan ur eyn deme anderen under twisgen unde nigth hoer dan vor viftigh lodige maric silveres. Weret aver, dat wi des over eyn quemen tho samene, dat wi dat hus wolden vorcopen mit samender hant unde eyndreygteliken, dat moygte wi vorcopen, weme wi wolden unde so wi allerdurest moygten. Unde da mede en breke nigth use lovede unde use eyde. Vortme(!) love wi unde sweret also eyrst, dat wi nenen heren ofte nenen man dor usen dolen moyt efte silfwolt en scolen van deme silven hus roven efte bernnen, ur eyn enrat wrages den anderen unde don et alle dre sament. Weret aver, dat ur eme selfwolt efte unreygth gesce, dat maygh he van deme silven hus weren unde wreken alleyne, dat wis alle dre nigth nen deden. Oych maygh user iuwelic sunderlikes, wan hes behovede unde tho sinen noyden, sinen wrunt unde sinen maygh also vere, also he reygth heydde, uppe dat hus laten unde holden. Unde dar mede enbreke wi uses lovedes unde user eyde nigth. In desser rede vestene unde betuyginge sint user broder aller driger ingesegele an dussen bref gehangen. Dat dit gesca, dat was veyrteynnaygth na Pinkesten na dem iare, dat Got geboren wart, dusent iar drehundert iar unde sesuntwintigh iar. |
Vermerke |
Rückseite: Inhaltsvermerk. |
Archiv |
Spiegelsberge |
Bestand |
Urkunden | alle Regesten |
Benutzungsort |
LWL-Archivamt für Westfalen |
Überlieferungsart |
Ausf.-Perg. |
Siegel |
3 anh. Siegel: 1. und 2. ab, 3. (Rest) |
Systematik |
|
Datum Aufnahme |
2011-01-22 |
Datum Änderung |
2011-01-22 |
Aufrufe gesamt |
4124 |
Aufrufe im Monat |
117 |