Text |
Noverint universi presentes litteras visuri, quod ego Hermannus de Aldendorpe miles una cum consensu et voluntate ... uxoris mee, Hermanni et Henrici, filiorum heredum meorum, redditus meos annuos, qui in emunitate ecclesie Asuidensis in nundinis annualibus de locis sive stationibus mercatorum, institorum et aliorum quarumucumque rerum venditorium ibidem confluentium michi debentur et solvi consueverunt cum omnibus iuribus ad redditus eosdem pertinentibus, venerabili domine mee, domine Beatrici, electe in abbatissem ecclesie Asnidensis, pro septem marcis Monasteriensium denariorum michi a domina epsa electa numeratis, traditis et assignatis, titulo pignoris legitime obligamus et obligo in hiis scriptis, tenendos et percipiendos usque ad festum epiphanie domini, quod erit anno eiusdem m cc nonagesimo quarto, ita quod in dicto termino et extune, quando placuerit, ego et heredes mei dictos redditus redimere poterimus pro summa pecunie memorata fructibus exinde perceptis in sortem minime computandis. In cuius rei testimonium sigillum meum duxi presentibus apponendium. Premissis autem interfuerunt Wenemarus de Aldendorpe, frater meus, Henricus de Ekenschede et Wenemarus, filius meus, milites, Johannes de Berstraten et Albertus de Sunheren, canonici Asnidenses, Gerhardus de Lynnenbeke et Henricus de Schedelike.
Actum et datum anno domini m°cc° nonagesimo tertio, in die beati Stephani prothomartiris. |