| Titel/Regest |
Ferdinandt, Erzbischof zu Köln und Kurfürst, Bischof zu Münster, Paderborn und Lüttich, Administrator Hildesheim, Berchtesgaden und Stablo etc., ernennt nach dem Tod des Johann Grothaus den Henrich vonn Galenn zum Drosten des Amtes Vechta in der Weise, dasz er gerurts ambt auff seine selbst kostenn unnd gelaistetenn aidt zu dieses unsers stiffts beszern nutzenn unnd vortheill auffrichtigh unnd getrewlich bedienenn, verwahrenn und verthettigenn, einem jeden sowoll geist- alsz weltlichenn geburlich recht gedeyenn unnd wiederfahrenn laszen, die eingeseszene berurtenn ambts bey ihrenn altenn gewonheitenn, auch habendenn frey- und gerechtgkeitenn vertrettenn, handthabenn und darann keinsweghs belaidigenn solle, maszen sich solches nach eines jedenn gelegenheit aignenn unnd gebuhrenn wolle, zu deme die straszenn frey unnd veligh haltenn, den raiszendenn kaufmann unnd einen jeden uff gewohnlichen marcktenn gegen erlagungh geburlicher zöhlenn unnd wegkgelts vor gewalt schutzenn, darbenebenn allenn gerichtenn, hoch- und herligkeiten besagten ambts, gehörenden örten unnd platzenn getrewlich unnd besten vermögens vorstehenn, selbige handthabenn unnd verthätigenn, keinswegs aber verminnerenn und durch jemandten krenckenn oder davonn etwas abgehen laszenn, auch nicht gestattenn, dasz in bedeutetem ambt ainige newe windt- oder waszermühlenn ohne unsern oder unserer nachfolgern ahnn gemeltem unserm stifft vorwiszenn unnd beliebenn gebawet unnd uffgerichtet oder sonstenn andere ungewöhnliche oder ungeburliche newerungenn, welche angeregtem unserm stifft oder deszenn eingeseszenenn einigermaszenn nachtheillig unnd abbruchigh sein mögtenn, vorgenohmmenn werdenn unnd zum fahll davonn ichtwas verwildet, underschlagenn oder abgebrochenn wehre, (daruber er sich zum fleiszigstenn erkundigenn solte) daszelbe seines bestenn vermögens recuperiren, da aber solches in seinem vermögenn nicht allein stünde, unnsz alszdann oder unsern Münsterischen rhätenn selbiges mit allenn noitwendigenn umbstendenn geburlich zu erkennenn gebenn und unsers oder dern bevelichs unnd weitere verordnungh demnegst erwartenn. Uber dasz soll gemelter unser droste einem zeitlichen aldha zur Vechte angesetzten rentmeistern unnd denjenigen, so in obberurtem unserm ambt unsere unnd unsers stiffts intraden, renthenn, bruchtenn unnd andere verfelle auffhebenn unnd empfangenn, dazu uff geburlich ansuchenn befurderlich unnd beithätig sein, damit also zu unserm nutzenn unnd gedeienn dieselbe auszgemahnet, eingefordert unnd auffgehebt, zu dem endt unnd zugleich auch getrewe uffsicht habenn, dasz die underthanen unnd ambthverwandtenn ungeburlich nicht beschwerdt werdenn, wie dann gerurter unser droste andern ordnungenn, welche ins kunfftigh auffgerichtet unnd kundtbar gethann, auch gehorsamblich einfolgenn und sich in diesem ihme anvertrawetem dienste sonstenn allem andern schickenn unnd verhaltenn solle, alsz einem getrewen diener unnd drostenn aidts, auch vonn Gott unnd rechts wegenn zustehet unnd gezimmet, maszenn er sich dann der wahrenn alten catholischen religion, wie dieselbe in unserer thumbkirchenn zu Munster herbracht unnd gehaltenn wirdt, sonderlich nach einhalt desz Tridentinischenn concilii unnd unserm wurdigen thumbcapittull gegebenenn reversals gemeesz verhaltenn solle. Hingegen ist an gemeltem unserm drostenn vonn Galenn zum underhalt zugewieszenn, zugelagt jahrlichs zweyhundert dreyszigh reichsthaller, zur kleidungh zwantzigh vier derselbenn unnd zwey schilling, einnhundertfunfzigh hüner, beide gartens vor unnd hinder dem hausze, dann auch der zehende pfennigk aller verfällenn, benentlichenn vonn den versterbenn, freykauffenn, wechszelungenn unnd bruchtenn, so gewonlicher weysze abgedinget werdenn, vort die leib- unnd wagendienste zu Gardell (Garrel), Lastrup, Ladbergh (Lodbergen bei Löningen) unnd Damme geseszen, jedoch alles bisz zu unserer revocation unnd fernerer verordnungh, dergestaldt zu gebrauchen, dasz wann er gerürte dienst zu thuenn nötigh, von dem vogten ihme verbottet, solche dienstleistungh richtig umbgehenn, und der einer nicht mehr alsz der ander beschwerdt werdenn, im ubrigem aber obbesagts unsers ambts gefällenn sich keins wegs underzihen oder anmaszen, sondern selbige der gebur zur rechnungh gebracht werdenn sollenn. Aussteller siegelt mit seinem münsterischen Siegel. |
Suche DWUD 
früher
|
später
Assen (Dep.) 
zurück
